دروش(نما یندہ چترال میل) دروش سے تعلق رکھنے والا نوجوان انجینئر ندیم حسین افغانستان میں ا یک بارودی سرنگ کے دھماکے میں جان بحق ہوگئے۔ تفصیلات کے مطابق انجینئر ندیم حسین افغانستان کے صوبے قندہار میں تعمیراتی کمپنی ”نیٹرا کون“ (NetraCon) میں ملازم تھے، جمعرات کے روز سائیڈ سے واپسی پر انکی گاڑی قندہار کے نواحی علاقے میں بارودی سرنگ سے ٹکرا گئی جس کے نتیجے میں انجینئر ندیم حسین جان بحق ہوئے۔ انکے خاندان والوں کو اس واقعے کے خبر جمعہ کے روز دی گئی۔ خاندانی ذرائع کے مطابق ندیم حسین کی میت چمن بارڈر کے راستے جمعہ کی رات کوئٹہ پہنچانے کے بعد اسے چترال منتقل کیا جائے گا۔ شہید انجینئر ندیم حسین چارویلاندہ دروش کے چارویلو نادر حسین کے بیٹے تھے۔