چترال(نما یندہ چترال میل) اپر چترال کے علاقہ مستوج کے قریب فرنٹیر کور پبلک سکول چترال کی گاڑی کو حا دثہ سکول کے وائس پرنسپل سمیت چترال سکاوٹس کے دو جوان شہید اور دو ا فراد شدید زخمی ہو گئے۔ تفصیلات کے مطابق فرنٹیر کور پبلک سکول چترال کی گاڑی سرکاری امور کی انجام دہی کے سلسلے میں چترال سے مستوج جاتے ہوہے مستوج پل کے قریب ڈرائیور سے بے قابو ہو کر گہری کھا ئی میں جا گری جس کے نتئجے میں سکو ل کے وائس پرنسپل اور معروف ماہر تعلیم سید الرحمن سکنہ ارسون چترال،سپاہی حفیظ اللہ ڈرائیور سکنہ میر کھنی چترال اور نائیک رشید الحسن سکنہ رائین تو رکہو چترال مو قع پر شہید ہو گئے جبکہ سکول کے ایجو کیشن افیسر ابرا ہیم سکنہ مردان اور لاس نائیک سمیع اللہ سکنہ ارندو زخمی ہو گئے تمام لا شوں اور زخمیوں کو RHC مستوج پہنچا دیا گیا ہے ۔ شدید زخمی سمیع اللہ کو چترال ہسپتال منتقل کر دیا گیا ہے۔ چترال سے رکن قومی اسمبلی مولانا عبد الاکبر چترالی نے اس المناک حا دثے کے نتیجے میں شہید ہونے والے قیمتی جانوں کے ضیاع پر گہرے رنج و غم کا اظہار کر تے ہوئے غم ذدہ خاندانوں کے ساتھ ہمدردی اور دکھ کا اظہار کیا ہے اور شہداء کے درجات کی بلندی کے لیے دعا کی ہے۔