چترال (شہریار بیگ سے) آل پاکستان مسلم لیگ کے کارکنان نے سابق صدر پرویز مشرف کی جگہ اپنے آپ کو پھانسی کی پھندے پر لٹکائے جانے کے لئے پیش کرتے ہوئے کہا ہے کہ پرویز مشرف محسن چترال ہیں جس نے لواری ٹنل تعمیر کرکے اہالیان چترال کو عزت دلائی اور یہاں ترقیاتی کاموں کو جال بچھادیا تھا۔ منگل کے روز یہاں ایک پریس کانفرنس سے خطاب کرتے ہوئے پارٹی کے رہنماؤں وقاص احمد ایڈوکیٹ، شہزادہ امیر حسنات الدین، سید ناصر علی شاہ، محسن حیات شاداب، عبدالقیوم، احمد خان، میر رحیم، احمد، منہاس اور دوسروں نے کہاکہ پرویز مشرف کو پھانسی کی سز ا ملنے سے چترال میں گھر گھر صف ماتم بچھ گئی ہے اور چترال کا بچہ بچہ اپنے محسن کے لئے موت کا پھندا گلے میں ڈالنے کے لئے تیار ہے۔ انہوں نے کہا کہ پرویز مشرف بیمار ہیں اور پھانسی پر چڑہانے کے لئے آدمی کا تندرست ہونا ضروری ہے اس لئے وہ اپنے بالغ بیٹوں کو ساتھ لے کر ان کی جگہ پھانسی کی سزا بھگتنے کے لئے تیار ہیں۔ انہوں نے کہاکہ پرویز مشرف کے خلاف خصوصی عدالت کے فیصلے سے ان کو اختلاف ہے جسے نواز شریف کے دور میں بنایا گیا تھا اور جس میں سازش کرنے والے، اعانت جرم اور سہولت کار کا کوئی ذکر ہی نہیں تھا لیکن اس میں صرف ایک ہی شخص کے خلاف کیس بنایا گیا تھا جوکہ اس وقت کی حکومت کی ا ن کے ساتھ ذاتی عناد کو ظاہرکرتی ہے جبکہ عبدالحمیدڈوگر، شوکت حیات اور زاہد حامد سے کوئی پوچھ گچھ نہیں ہوئی۔ انہوں نے کہاکہ پرویز مشرف نے صرف ایمرجنسی لگادی تھی اور آئین کو انہوں نے 3نومبر 2007ء کو معطل نہیں کیا تھا۔ انہوں نے کہا کہ اس فیصلے کے خلاف سپریم کورٹ آف پاکستان میں اپیل کی جائے گی جہاں انصاف کے تمام تقاضے پورے ہوں گے اور مشرف کو انصاف ملے گا جس نے ملک کے لئے تین جنگیں لڑی تھی۔ ان کا کہنا تھاکہ اصل غدار تو زرداری اور نواز شریف ہیں جنہوں نے ملک کو لوٹ کر اسے دیوالیہ بنایا تھا جبکہ پرویز مشر ف کے دور میں ملک میں خوشحالی ہی ٰخوشحالی تھی۔
تازہ ترین
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے
- ہومڈپٹی کمشنر اپر چترال محمد عرفان الدین کے دفتر میں مختلف آفات کے سبب فوت ہونے والوں کے لواحقین میں امدادی چیک تقسیم کئے گئے
- ہوملویر چترال میں حفاظتی ٹیکے کا عالمی ہفتے کا آغاز آگہی واک سے کردیا گیا
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما
- سیاستتحصیل کونسل چترال کے اجلاس میں ضلعی انتظامیہ کی طرف سے حالیہ بارشوں کے نتیجے میں ہونے والے نقصانات کی اسیسمنٹ کی تاریخ میں کم ازکم دس دن کی توسیع کا مطالبہ کرتے ہوئے موجودہ طریقہ کار پر بھی عدم اطمینان کا اظہا رکیا گیا
- ہومترال شہر اور مضافات کے سینکڑوں تندورمالکان نے حکومت سے پرزور مطالبہ کیا ہے کہ چترال کی علاقائی مشکلات اورحالات کو پیش نظر رکھ کر روٹی کا پرانا نرخ بحال کردے
- Uncategorizedداد بیداد۔۔۔ڈاکٹر عنا یت اللہ فیضی۔۔۔چارویلو رحمت ولی خان مر حوم
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ