چترال (نمائندہ چترال میل) ڈپٹی کمشنر چترال (لویر) نوید احمد کی خصوصی کوششوں سے عشریت کے ان باشندوں کو زمینات،مکانات اور پھلدار وغیر پھلدار درختوں کا معاوضہ مل گیا جوکہ لواری ٹنل اپروچ روڈ کی تعمیر کے وقت نیشنل ہائی وے اتھارٹی نے لے لیا تھا مگر کسی وجہ سے پیمائش سے رہ گئے تھے اور متاثرین گزشتہ تین سالوں سے مختلف سرکاری دفاتر کی خاک چھان رہے تھے۔ ذرائع نے بتایاکہ جون 2016میں نیشنل ہائی وے اتھارٹی کی طرف سے زمین مالکان کو ایوارڈ ملنے کے بعد سے متاثرین نے ان زمینات، مکانات اور درختوں کی نشاندہی کرتے ہوئے متعلقہ حکام کو درخواست دے دی جوکسی وجہ سے پیمائش میں نہ آنے کی وجہ سے ان کو معاوضہ کی ادائیگی نہیں ہوئی۔ محکمہ ہائے سی اینڈ ڈبلیو، زراعت اور جنگلات کے ذریعے مناسب تصدیق اور لینڈ ایکوزیشن اسٹاف سے پیمائش کے بعد درخواست پر مزید کاروائی کے لئے نیشنل ہائی وے اتھارٹی کو بھیج دئیے گئے تھے مگر اب تک مناسب کاروائی عمل میں نہ آنے کی وجہ سے متاثرین پریشان تھے۔ موجودہ ڈپٹی کمشنر نوید احمد نے نیشنل ہائی وے اتھارٹی سمیت متعلقہ حکام کے ساتھ اس مسئلے کو بار بار اٹھاتے ہوئے گزشتہ ایوارڈ میں تصحیح نامہ (corrigendum) جاری کرکے متاثرین کے لئے مجموعی طورپر 59لاکھ9ہزار274روپے منظورکروائے جنہیں اسسٹنٹ کمشنر چترال کے ذریعے زمین مالکان میں تقسیم کئے جائیں گے۔ دریں اثناء لواری ٹنل اپروچ روڈ کے متاثرین نے ڈی سی چترال نوید احمد کی کارکردگی پر ان کاشکریہ ادا کیا ہے۔
تازہ ترین
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ
- ہوملویر چترال کے دروش ٹاؤن کے گاؤں شیشی آزوردام،حفیظ آباد، جزیر دوری میں کئی دنوں کی مسلسل بارش کی وجہ سے زمین سرک گئی جس کے نتیجے میں تین گھر وں سمیت ایک جامع مسجد مکمل طور پر مٹی تلے دب گئے
- ہومبارش کی وجہ سے مزید تین دن سکول بند رہیں گے۔ نوٹیفیکیشن جاری
- ہومچترال کے طول وعرض میں گزشتہ 24گھنٹو ں سے مسلسل بارشوں کی وجہ سے مختلف مقامات پر دو افراد جان بحق ہوگئے اور کئی گھرمنہدم ہوگئے
- مضامیندھڑکنوں کی زبان۔۔۔۔۔۔محمد جاوید حیات۔۔۔۔”شاہ خرچیاں سلامت ہیں”
- ہومافتخار شاہ ڈسٹرکٹ پولیس آفیسر چترال لوئر تعینات
- ہومجامعہ اسلامیہ بکرآباد چترال میں جلسہ دستار بندی و تقسیم انعامات کے پروگرام کا انعقاد
- ہومچترال کے معروف صوفی شاعر عبدالغنی خان المعروف دول ماما کو اتوار کے روز ان کے آبائی قبرستان گمبد بروز میں سپرد خاک کیا گیا