چترال (نمائندہ چترال میل) گذشتہ روز قتل ہونے والے گرم چشمہ ایژ کے رہائشی نوجوان وقار احمد عرف شہنشاہ کی بیوی کی لاش بھی بر آمد ہو گئی ہے۔ جس کی تلاش گذشتہ دو دنوں سے جاری تھی۔ چترال پولیس نے م میڈیا کو بتایا کہ خاتون تسلیم بی بی کی لاش کی بازیابی کے بعد اس بات کو تقویت ملی ہے کہ دیرکوہستان سے تعلق رکھنے والی خاتون کے والدین شہنشاہ کے ساتھ اپنی بیٹی کی پسند کی شادی پر خوش نہیں تھے اور انہوں نے اپنے غم و غصے کی آگ ٹھنڈا کرنے کیلئے مرد و عورت پر مشتمل قاتلوں کا گینگ ان کے پیچھے لگا دیا۔ جنہوں نے گرم چشمہ میں رہائش اختیار کرکے دوست کے روپ میں شہنشاہ اور ان کی بیوی کو قتل کرنے کی منصوبے بندی کی۔ اوردو دن پہلے گرم چشمہ روڈ پر شالی گول کے قریب قتل کے منصوبے کو عملی جامہ پہنانے کے بعد رات کی تاریکی میں چترال سے فرار ہونے میں کامیاب ہو گئے۔ چترال پولیس نے خاتون کی لاش کو بازیاب کرنے کے بعد پوسٹ مارٹم کیلئے ڈی ایچ کیو ہسپتال چترال پہنچا دیا ہے۔ جہان پوسٹ مارٹم کے بعد اسے گرم چشمہ میں سپرد خاک کیا جائے گا۔ جبکہ ان کے مقتول شوہر شہنشاہ کو گذشتہ روز سپرد خاک کیا گیا تھا۔ واضح رہے کہ ایک سال پہلے گرم چشمہ کے مقام ایژ سے تعلق رکھنے والے نوجوان وقار احمد عرف شہنشاہ نے دیر کوہستان کی لڑکی سے پسند کی شادی کی تھی۔ اور وہ اپنی بیوی کو لے کر اپنے گھر ایژ گرم چشمہ میں ہی رہایش پذیرتھا کہ کچھ عرصہ پہلے سوات سے تعلق رکھنے والا ایک شخص اپنی فیملی کے ساتھ گرم چشمہ میں رہائش اختیار کی۔ جس کے ساتھ شہنشاہ اور اُس کی فیملی کے تعلقات بڑھے۔ اور دوستی کی صورت اختیار کی گذشتہ روز شہنشاہ کی حاملہ بیوی کو چترال شہر کے ہسپتال میں چیک اپ کی ضرورت پڑی۔تو دونوں فیملی ٹو ڈی کار میں گرم چشمہ سے چترال آئے۔ لیکن شام کو واپس گھر نہیں پہنچے۔ تو وقار احمد عرف شہنشاہ کے گھر والوں نے موبائل پر ان سے رابطہ کرنے کی کوشش کی مگر موبائل بند ہونے کی وجہ سے کسی سے بھی رابطہ نہیں ہو سکا۔ اور اگلی صبح شہنشاہ کی لاش شالی گول کے احاطے میں سڑک کے قریب ملی تھی۔ لیکن اس کی لاپتہ بیوی تسلیم بی بی کے بارے میں یہ شبہ ظاہر کیا جارہا تھا۔ کہ شاید قاتل گینگ اسے ساتھ لے گئے ہوں۔ تاہم ان کی تلاش جارہی تھی۔ کہ بدھ کی شام ان کی لاش گرم چشمہ روڈ پر کھانسغیر کے احاطے میں ملی۔ جسے پولیس نے اپنی تحویل میں لے کر ڈی ایچ کیو ہسپتال چترال پہنچا دیا ہے۔ جہاں جمعرات کی صبح ان کو پوسٹ مارٹم کرنے کے بعد گرم چشمہ میں سپرد خاک کیا جائے گا۔ چترال پولیس نے نا معلوم ملزمان کے خلاف مقدمہ درج کرکے تفتیش شروع کر دی ہے۔
تازہ ترین
- ہومتعلیمی اداروں میں موسم بہار کی تعطیلات کا اعلان
- ہومخیبرپختونخوا حکومت نے رواں سال ترچ میر سال کے طور منانے اور چترال میں سالانہ ترچ میر فیسٹیول شروع کرنے کا اعلان
- ہومموجودہ ملکی صورتحال کے پیش نظر لوئر چترال میں موجود چائنیز ورکرز اور حساس مقامات کی سکیورٹی کو مزید بہتر بنانے کے سلسلے میں خصوصی میٹنگ کا انعقاد
- ہومٹی بی کے عالمی دن کے مناسبت سے ڈسٹرکٹ ہیڈکواٹرہسپتال ضلع لوئرچترال میں ضلعی ٹی بی کنٹرول پروگرام اورایسوسی ایشن فارکمیونٹی ڈیویلپمنٹ (اے سی ڈی)کے زیرانتظام ایک آگاہی سمینار
- ہومبروغل میں شدید برفباری کے نتیجے میں غذائی قلت کے خطرے کو ٹالنے کے لئے لحہ محمود فاؤنڈیشن نے راشن پیکج سے بھری درجنوں گاڑیاں یارخون لشٹ کی طرف روانہ کردیا۔
- مضامیندھڑکنوں کی زبان۔۔۔۔۔محمد جاوید حیات۔۔۔۔۔”یوم پاکستان کی تقریبات اور میرے آنسو“۔
- ہومقدرتی ماحول کی حفاظت کیلئے درختوں کی حفاظت کرنا اور پودے لگانا بہت ضروری ہے۔خطیب شاہی مسجد چترال مولانا خلیق الزمان کاکاخیل کا جمعہ کے اجتماع سے خطاب
- ہومڈی پی او لوئر چترال قمر حیات خان نے ٹریفک قوانین سے متعلق اگاہی مہم کے ساتھ ساتھ عملدرآمد کا سلسلہ شروع کیا ہے.
- ہوم21 مارچ 2024 عالمی یوم جنگلات کے حوالے سے ہیڈ کوارٹر چترال سکاؤٹس میں شجرکاری مہم کے حوالے سے تقریب کا انعقاد۔
- ہوموائس چانسلر یونیورسٹی آف چترال پروفیسر ڈاکٹر ظاہر شاہ صاحب کا ٹینیور مکمل ہونے کے موقع پر چترال یونیورسٹی ٹیچرز ایسوسی ایشن (CUTA) کی جانب سے ان کے اعزاز میں الوداعی افطار ڈنر اور تقریب کا انعقاد کیا گیا