چترال (محکم الدین) صوبائی حکومت کے وژن کے مطابق چترال میں سیاحت کو ترقی دینے اور سیاحوں کیلئے سہولیات فراہم کرنے کے سلسلے میں خوبصورت سیاحتی مقام نگر میں کمشنر ملاکنڈ ڈویژن ریاض خان محسود نے گذشتہ روز ٹورسٹ فسلٹیشن سنٹر کا سنگ بنیاد رکھا۔ اس موقع پر ڈپٹی کمشنر لوئر چترال نوید احمد، ڈپٹی کمشنر دیر خالد خٹک، اسسٹنٹ کمشنر دروش عبد الولی خان، تحصیل میونسپل آفیسر دروش مصباح الدین، انجینئر تنویر احمد اور شہزادہ صلاح الدین آف نگر اور تحصیلدار دروش عبد السلام کے علاوہ بڑی تعداد میں مقامی لوگ موجود تھے۔ کمشنر اور دیگر مہمانوں کی آمد پر اُنہیں ہار پہنائے گئے، اور تختی کی نقاب کشائی کے بعد مٹھائی تقسیم کئے گئے ۔ فسلیٹیشن سنٹر تین کمروں، دو واش رومز، کیچن اور لان پر مشتمل ہو گا۔ جس میں ملکی اور غیر ملکی سیاحوں کو مختصر قیام کرنے، ضرورت کی جملہ اشیاء اور چیزیں خریدنے کی سہولت حاصل ہوگی۔ اور سیاح فسلٹیشن سنٹر کے بالمقابل سیاحتی مقام نگر کے خوبصورت نظاروں کا لطف بھی ا ُٹھا سکیں گے ۔ کمشنر ملاکنڈ نے بعد آزان شہزادہ صلاح الدین آف نگر کے قلعے کی وزٹ کی۔ اور نگر باغ و دیگر سیاحتی مقامات کا نظارہ کیا۔ اور قدیم تاریخی قلعے کی طرز تعمیر میں انتہائی دلچسپی کا اظہار کیا۔ اس موقع پر نگر قلعے کی سیاحتی اور تاریخی اہمیت بھی زیر بحث آئے۔ اور اسے سیاحت کیلئے انتہائی خوبصورت اور قدرتی نظاروں سے بھر پور جگہ قرار دیا گیا۔ شہزادہ آف نگر صلاح الدین اور مقامی لوگوں نے ٹورسٹ فسلٹیشن سنٹر کی تعمیر کا خیر مقدم کیا۔ اور کہا۔ کہ اس مقام پر ملکی اور غیر ملکی سیاحو ں کیلئے اس قسم کی عمارت کی اشد ضرورت محسوس کی جارہی تھی۔ اور یہ انتہائی خوشی کی بات ہے کہ ڈپٹی کمشنر چترال نوید احمد کی ذاتی دلچسپی اور ٹی ایم او دروش مصباح الدین کے بھر کوششوں کے نتیجے میں یہ سنٹر تعمیر ہو رہا ہے۔ جس کیلئے ہم اُنہیں خراج تحسین پیش کرتے ہیں۔ کمشنر ملاکنڈ نے سیاحت کی ترقی کیلئے ڈپٹی کمشنر نوید احمد، اسسٹنٹ کمشنر دروش عبد الولی خان اور ٹی ایم اے صلاح الدین کے اقدامات کی تعریف کی، اور نیک خواہشات کا اظہار کیا۔ انہوں نے شہزادہ آف نگر کی پُرخلوص مہمان نوازی پر اُن کا شکریہ ادا کیا۔
تازہ ترین
- ہومڈسٹرکٹ پولیس آفیسر لوئر افتخار شاہ کے زیر نگرانی منشیات فروشوں کے خلاف کاروائیوں کا سلسلہ جاری ہے۔
- ہومہزاروں سال قدیم کالاش تہوار “چلم جوشٹ ” پورے جوش و خروش کے ساتھ وادی رمبور کے معروف ڈانسنگ پلیس (چھارسو) گروم میں شروع ہوا۔
- کھیل*چیف سیکرٹری خیبرپختونخوا ندیم اسلم چوہدری کی زیر صدارت شندور پولو فیسٹیول کے انتظامات کے حوالے سے اجلاس کا انعقاد*
- ہوملوئر چترال میں 9 مئی کے حوالے سے ایک ریلی نکالی گئی
- مضامینداد بیداد۔۔۔ڈاکٹر عنا یت اللہ فیضی۔۔۔۔شراکت داری اور تر قی
- ہومپولیس اسٹیشن دروش کی کامیاب کاروائی 11 کلو سے زائد چرس برآمد
- مضامینداد بیداد۔۔ڈاکٹر عنا یت اللہ فیضی ۔۔۔پرستان قبل از اسلا م
- تعلیمیونیورسٹی آف چترال کی طرف سے بی ایس پروگرام کی فیسوں میں 57فیصد اضافے کے خلاف طلباء وطالبات سراپا احتجاج بن کر اسے انتہائی ظالمانہ قرار دیتے ہوئے صوبائی حکومت سے پرزور مطالبہ کیا ہے کہ چترال میں غربت اور بے روزگاری کو مدنظر رکھتے ہوئے اس فیصلے کو فوری طور پر واپس لیا جائے
- ہوممادری زبانوں کے تحفظ اور ترقی کیلئے کام کرنے والا ادارہ فورم فار لینگویج انشیٹیوز کے زیر انتظام چترال میں ایک کثیراللسانی مہرکہ منعقد ہوا۔
- مضامینداد بیداد ۔۔۔ڈاکٹر عنا یت اللہ فیضی۔۔ما ضی کا پشاور