چترال(نمائندہ چترال میل)پاکستان مسلم لیگ (ن)کے ممبر صوبائی کونسل صدر ڈسٹرکٹ بار ایسوسی ایشن چترال خورشید حسین مغل ایڈوکیٹ نے ایک اخباری بیان میں کہا ہے کہ سابق وزیراعظم میاں محمد نواز شریف نے اپنے دورہ چترال میں سابق ضلع ناظم حاجی مغفرت شاہ کی استدعا پر لوکل گورنمنٹ کیلئے 20کروڑ روپے کا اعلان کیا تھا۔بعد آزان شاہد خاقان عباسی کے دور وزیراعظمی میں وہ رقم ریلز بھی ہوچکے ہیں۔اُنہوں نے کہا کہ سننے میں آرہا ہے کہ وہ خطیر رقم پاکPWDکے ذریعے خرچ بھی ہوچکے ہیں۔مگر ضلع چترال میں اُن پیسوں سے عوام الناس کا یا کسی گاؤں کا کوئی ایک مسئلہ بھی اب تک حل نہیں ہوا۔بلکہ وہ خطیر رقم ایسے غائب ہے جیسے گدھے کے سر پر سینگ۔اُنہوں نے کہا کہ یہ سراسر ناانصافی کی بات ہے کہ ایک طرف کجو،برغوزی،موری پائین اور دنین کے لوگ بوند بوند پانی کو ترس رہے ہیں۔اُن کے فصلات،باغات جل کر خاکستر ہوچکے ہیں اور لوگ مجاز حکام اور نام نہاد منتخب نمائندگان کے پیچھے پھررہے ہیں۔دوسری طرف قومی خزانے کی اتنی بڑی رقم کا ضیاع اور کرپشن کی کئی ایک سوالات کو جنم دے رہا ہے۔اُنہوں نے کہا کہ اس سلسلے میں سابق ضلع ناظم مغفرت شاہ کی خاموشی بھی معنی خیز ہے اور لوگ آپس میں چہ می گوئیاں کررہے ہیں کہ حاجی مغفرت شاہ کی اس بابت زبان بندی سے ہم یہ نتیجہ اخذ کرنے پر مجبور ہیں کہ کہیں اُس نے بھی بہتی گنگا میں ہاتھ نہ دھویا ہو۔بصورت دیگر مغفرت شاہ آگے آئے اور زمہ داران کو قوم کے سامنے ایکسپوز کرے۔
صدر بار نے کہا کہ ڈسٹرکٹ بار ایسوسی ایشن چترال کا ایک نمائندہ وفدماہ اکتوبر میں چیف جسٹس آف پاکستان سے ملاقات کرے گا۔اور چیئرمین نیب جسٹس جاوید اقبال سے ملاقات کرکے اس کرپشن کے سلسلہ میں تحریری درخواست پیش کریگا۔یہ ملاقات پہلے سے طے شدہ ہے۔اُنہوں نے کہا کہ ڈسٹرکٹ بار ایسوسی ایشن چترال ایک غیر سیاسی ادارہ ہے۔اسکا مطلب یہ نہیں کہ چترال کے وکلاء اتنے بڑے مقدار میں قومی پیسے کا ضیاع پر کبوتر کی طرح آنکھیں بند کریں۔صدر بار نے کہا کہ تورکہو روڈ میں میگاکرپشن ہونے پر چیف صاحب کو درخواست دینے پر اُنکی بار کی درخواست رٹ پٹیشن میں منتقل کرکے اُس مقدمے کی سماعت پشاور ہائی کورٹ میں ہورہی ہے۔اور موجودہ سٹلمنٹ ریکارڈ میں جو بے ضابطگیاں ہوئی ہے اس بابت بھی بار کی مخلصانہ جدوجہد کے نتیجے میں لوگ بڑی مقدار میں اپنے ریکارڈ کی درستگی کی غرض ایس او کو اپیل کررہے ہیں۔اس لئے بار ایسوسی ایشن چترال کے لئے اس میگاکرپشن کے زمہ داران کو کٹہرے تک لانے کے لئے کسی بھی حد تک جانے سے دریغ نہیں کریگا۔
تازہ ترین
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ
- ہوملویر چترال کے دروش ٹاؤن کے گاؤں شیشی آزوردام،حفیظ آباد، جزیر دوری میں کئی دنوں کی مسلسل بارش کی وجہ سے زمین سرک گئی جس کے نتیجے میں تین گھر وں سمیت ایک جامع مسجد مکمل طور پر مٹی تلے دب گئے
- ہومبارش کی وجہ سے مزید تین دن سکول بند رہیں گے۔ نوٹیفیکیشن جاری
- ہومچترال کے طول وعرض میں گزشتہ 24گھنٹو ں سے مسلسل بارشوں کی وجہ سے مختلف مقامات پر دو افراد جان بحق ہوگئے اور کئی گھرمنہدم ہوگئے
- مضامیندھڑکنوں کی زبان۔۔۔۔۔۔محمد جاوید حیات۔۔۔۔”شاہ خرچیاں سلامت ہیں”
- ہومافتخار شاہ ڈسٹرکٹ پولیس آفیسر چترال لوئر تعینات
- ہومجامعہ اسلامیہ بکرآباد چترال میں جلسہ دستار بندی و تقسیم انعامات کے پروگرام کا انعقاد
- ہومچترال کے معروف صوفی شاعر عبدالغنی خان المعروف دول ماما کو اتوار کے روز ان کے آبائی قبرستان گمبد بروز میں سپرد خاک کیا گیا