وریجون(نمائندہ چترال میل)۔ مقبوضہ جموکشمیر میں بھارتی ظلم و بربریت کے خلاف موڑکہو کے عوام کا ایڈیشنل اسسٹنٹ کمشنر مستوج معظم خاں اور ٹی ایم او موڑکہو شفیق خاں کی قیادت میں دراسن سے وریجون بازار تک مارچ،ریلی کے شرکا نے مودی سرکار کے خلاف زبردست نعرہ بازی کی،احتجاجی جلسے سے خطاب کرتے ہوے سیاسی و سماجی رہنما حمید جلال آرزو نے اس عزم کا اظہار کیا کہ کشمیر کی آزادی کے لیے موڑکہو کے شیردل مسلمان کسی بھی قسم کی قربانی سے دریغ نہیں کرینگے،جنگ ہونے کی صورت میں حکومت کی طرف سے اجازت ملنے کے بعد موڑکہو کے عوام ۱۹۴۸کی جنگ آزادی سکردو کو دہراکر مقبوضہ کشمیر میں داخل ہو کر کفار کا خاتمہ کرینگے،جلسے سے استاد عبدل کبیر کے علاوہ دوسرے مقررین نے بھی خطاب کرکے مودی کی ریاستی دہشتگردی کی بھرپور مذمت کی۔
