چترال (محکم الدین) ہندوکش کے سب سے قدیم باشندے کالاش قبیلے کے لوگ 9اگست کو کالاشہ دور بمبوریت میں یونیسکو کے زیر اہتمام (World Indigenous Peoples Day) منائیں گے۔ جس کیلئے تیاریاں آخری مراحل میں داخل ہو چکی ہیں۔ کالاشہ دور کے چیرمین بختوار شاہ نے میڈیا سے بات کرتے ہوئے بتایا۔ کہ اس پروگرام میں تینوں کالاش ویلیز سے کالاش مذہبی پیشوا،عمائدین،کمیونٹی کے مردو خواتین اور کالاش سٹودنٹس شرکت کریں گے۔ کالاش مذہبی پیشوا اپنی مذہبی روایات اور لوک کہانیاں بیان کریں گے۔ سکولوں کے طلبہ میں کالاش مذہب اور ثقافت سے تعلق رکھنے والے روایتی چیزوں کے حوالے سے پینل ڈسکشن اور کوئز کمپٹیشن منعقد کی جائے گی۔ تقریری مقابلے ہوں گے۔ اور کالاش کلچر سے متعلق پوسٹر بنانے کے مقابلے ہوں گے۔ جن میں صرف کالاش بچے بچیاں حصہ لے سکیں گے۔ چیرمین بختوار شاہ اور ممتاز ایکٹی وسٹ لوک رحمت کے مطابق ان مقابلوں کا مقصد بچوں میں ایک دوسرے سے تعلیمی سبقت حاصل کرنے کے جذبے کو اُجاگر کرنا ہے۔ اور دوسری طرف اپنے مذہب کے بارے میں اُن کو معلومات فراہم کرنے کی کوشش ہے۔ کالاش قبیلے کو ہندوکش کی وادی چترال میں قدیم ترین مذہب کے پیروکار باشندے ہونے کا اعزاز حاصل ہے۔ جن کی آبادی تینوں کالاش ویلیز میں چار ہزار ایک سو ہے۔ اور وہ ان وادیوں میں اپنی مذہبی رسوم و رواج انجام دینے میں مکمل طور پر آزاد ہیں۔ جس کا ثبوت یہ ہے۔ کہ ان کے مختلف تہواروں میں ہزاروں ملکی اور غیر ملکی سیاح شرکت کرتے ہیں۔ گذشتہ کچھ عرصے سے ہر سال نو اگست کو ورلڈ انڈیجنس پیپلز ڈے منایا جاتا ہے۔ اس مرتبہ یہ کالاشہ دور بمبوریت میں منایا جائے گا۔ جس میں کالاش عمائیدین اپنی مذہبی رسومات کی انجام دہی، ان کے تحفظ پر بات کریں گے۔ اور نئی نسل کو گائیڈ لائن دیں گے۔
تازہ ترین
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ
- ہوملویر چترال کے دروش ٹاؤن کے گاؤں شیشی آزوردام،حفیظ آباد، جزیر دوری میں کئی دنوں کی مسلسل بارش کی وجہ سے زمین سرک گئی جس کے نتیجے میں تین گھر وں سمیت ایک جامع مسجد مکمل طور پر مٹی تلے دب گئے
- ہومبارش کی وجہ سے مزید تین دن سکول بند رہیں گے۔ نوٹیفیکیشن جاری
- ہومچترال کے طول وعرض میں گزشتہ 24گھنٹو ں سے مسلسل بارشوں کی وجہ سے مختلف مقامات پر دو افراد جان بحق ہوگئے اور کئی گھرمنہدم ہوگئے
- مضامیندھڑکنوں کی زبان۔۔۔۔۔۔محمد جاوید حیات۔۔۔۔”شاہ خرچیاں سلامت ہیں”
- ہومافتخار شاہ ڈسٹرکٹ پولیس آفیسر چترال لوئر تعینات
- ہومجامعہ اسلامیہ بکرآباد چترال میں جلسہ دستار بندی و تقسیم انعامات کے پروگرام کا انعقاد
- ہومچترال کے معروف صوفی شاعر عبدالغنی خان المعروف دول ماما کو اتوار کے روز ان کے آبائی قبرستان گمبد بروز میں سپرد خاک کیا گیا