چترال (نما یندہ چترال میل) آل گورنمنٹ ایمپلائز کوارڈینیشن کونسل چترال کا ایک ہنگامی اجلاس کونسل کے صدر امیر الملک کے زیر صدارت منعقد ہوا جس میں اس امرکا اعادہ کیا گیا کہ کونسل کی صوبائی اور مرکزی قیادت کی کال پر لبیک کہتے ہوئے وہ حالیہ بجٹ میں ملازمین پر ظالمانہ ٹیکس لاگو کرنے کے خلاف میدان میں اتریں گے جوکہ ان کے منہ سے نوالہ چھیننے کے مترادف ہے جبکہ مرکزی حکومت نے اپنے وعدے سے انحراف کرکے حالیہ بجٹ میں تنخواہوں میں خاطر خواہ اضافہ نہیں کیا بلکہ ٹیکس بھی عائد کردی جس سے ملازمین میں کھلبلی مچ گئی ہے۔انہوں نے ٹائم اسکیل پروموشن کے حوالے سے بھی حکومت کو تنقید کا نشانہ بنایا۔ انہوں نے ملازمین کے ریٹائرمنٹ میں عمر کی بالائی حد میں اضافے کے فیصلے کو یکسر مسترد کرتے ہوئے کہاکہ اس سے ملازمین کی ترقی کی راہیں مسدود ہوکر رہ جائیں گے اور یہ ملازمین کے لئے ایک اور سنگین مسئلہ بن جائے گا۔ کوارڈینیشن کونسل کے رہنماؤں نے پشاور میں مختلف محکمہ جات کے ڈائرکٹوریٹ میں افسران اور ماتحت عملے کو تنقید کا نشانہ بناتے ہوئے کہاکہ چترال جیسے دور افتادہ علاقوں کے ملازمیں کی پروموشن کو کیسز کو ڈیل کرنے میں غیرمعمولی تاخیر برتی جارہی ہے جوکہ ناقابل قبول ہے جبکہ رولز کے مطابق ویکنسی کی دستیابی کے پانچ ماہ کے اندر اندر نچلے گریڈ کے ملازم کو پروموٹ کیا جانا چاہئے۔ اس موقع پر آل ٹیچرز ایسوسی ایشن کے مظفر الدین،نرسنگ ایسوسی ایشن کے شیر گلاب، جنرل سیکرٹری ایپکا عتیق الرحمن، آفس سیکرٹری یعقوب نظار، کلاس فور یونین کے محمد قاسم، کلاس فور یونین ڈسٹرکٹ ہسپتال کے محمد الیاس، لوکل گورنمنٹ کے آفتاب عالم، یانگ ڈاکٹرز ایسوسی ایشن کے ڈاکٹر ضیاء اللہ، پٹواری یونین کے قادر امان اور واپڈ ا کے جہانگیر خان موجود تھے۔
تازہ ترین
- ہومڈسٹرکٹ پولیس آفیسر لوئر افتخار شاہ کے زیر نگرانی منشیات فروشوں کے خلاف کاروائیوں کا سلسلہ جاری ہے۔
- ہومہزاروں سال قدیم کالاش تہوار “چلم جوشٹ ” پورے جوش و خروش کے ساتھ وادی رمبور کے معروف ڈانسنگ پلیس (چھارسو) گروم میں شروع ہوا۔
- کھیل*چیف سیکرٹری خیبرپختونخوا ندیم اسلم چوہدری کی زیر صدارت شندور پولو فیسٹیول کے انتظامات کے حوالے سے اجلاس کا انعقاد*
- ہوملوئر چترال میں 9 مئی کے حوالے سے ایک ریلی نکالی گئی
- مضامینداد بیداد۔۔۔ڈاکٹر عنا یت اللہ فیضی۔۔۔۔شراکت داری اور تر قی
- ہومپولیس اسٹیشن دروش کی کامیاب کاروائی 11 کلو سے زائد چرس برآمد
- مضامینداد بیداد۔۔ڈاکٹر عنا یت اللہ فیضی ۔۔۔پرستان قبل از اسلا م
- تعلیمیونیورسٹی آف چترال کی طرف سے بی ایس پروگرام کی فیسوں میں 57فیصد اضافے کے خلاف طلباء وطالبات سراپا احتجاج بن کر اسے انتہائی ظالمانہ قرار دیتے ہوئے صوبائی حکومت سے پرزور مطالبہ کیا ہے کہ چترال میں غربت اور بے روزگاری کو مدنظر رکھتے ہوئے اس فیصلے کو فوری طور پر واپس لیا جائے
- ہوممادری زبانوں کے تحفظ اور ترقی کیلئے کام کرنے والا ادارہ فورم فار لینگویج انشیٹیوز کے زیر انتظام چترال میں ایک کثیراللسانی مہرکہ منعقد ہوا۔
- مضامینداد بیداد ۔۔۔ڈاکٹر عنا یت اللہ فیضی۔۔ما ضی کا پشاور