بونی (کر ئم الللہ) بونی شندور، اور مستوج بروغل روڈ کی پختگی کے سلسلے میں پیش رفت نہ ہونے کی صورت میں جشن شندور کے موقع پر روڈ بلاگ کرکے دھرنا دیا جائے اور کسی بھی ناخوشگوار واقعہ رونما ہونے کی صورت میں اس کی تمام تر ذمہ داری وفاقی و صوبائی حکومتوں، منتخب نمائندگان اور ضلع و تحصیل انتظامیہ پر عاید ہوگی۔ ان خیالات کا اظہار عمائدین یوسی مستوج، ڑاسپور اور یارخون نے آج ایک میٹنگ کے بعد جاری کردہ پریس ریلیز میں کیا۔ اجلاس میں تینوں یوسیز کے منتخب ناظمین، نائب ناظمین و ممبران اور سول سوسائیٹی کے اہلکاروں نے بڑی تعداد میں شرکت کی۔ شرکاء کا کہنا تھا کہ یہ خطہ سیاحت اور قدرتی و آبی وسائل کے حوالے سے مالامال خطہ ہے چترال کے دو سب سے بڑے سیاحتی مقامات یعنی شندور اور برغل اس علاقے میں موجود ہے جبکہ اس کی سرحدین افغانستان سے ملتی ہے اس لحاظ سے اس خطے کے دفاعی اہمیت سے بھی انکار نہیں کیا جاسکتا۔ مگر یہ خطہ گزشتہ ستر برسوں سے احساس محرومی کا شکار ہے۔ یہاں کی سڑکین کھنڈرات کا منظر پیش کررہی ہے۔ ان سڑکوں کی وجہ سے یہاں سیاحت کے شعبے کو فروع نہیں مل رہا ہے جبکہ یہاں کے باسیوں کی روزمردہ کے معمولات پر بھی اس کے تباہ کن اثرات مرتب ہو رہے ہیں۔ مقریرین کا یہ بھی کہنا تھاکہ گزشتہ کئی برسوں سے بونی مستوج ٹو شندور اور مستوج برغل روڈ کے نام پر عوام کو مسلسل ٹرخایا جا رہا ہے اور ہر سال منتخب نمائندگان علاقے میں آکر ان سڑکوں کی تعمیر کے بلندو بانگ دعوے کرتے ہیں مگر ان پر کبھی بھی عمل درآمد کی نوبت نہیں آئی۔ ان کا کہنا تھا کہ اب یہاں کے لوگوں کے صبر کا پیمانہ لبریز ہوگیا ہے اور اب ہم سر پر کفن باندھ کر اپنے حق کے لئے نکل رہے ہیں۔
اجلاس میں متفقہ طور پر فیصلہ ہوا کہ اگر 24 جون تک حکومت وقت کی جانب سے ان کے ساتھ ان سڑکوں کے تعمیر کے حوالے سے کسی قسم کا تحریری معاہدہ نہ ہوا تو وہ عوام کو لے کر مین بونی ٹو شندور روڈ میں مستوج پل کے مقام پر روڈبلاگ کرکے دھرنا دیں گے۔اب یہاں کے عوام نے فیصلہ کیا ہے کہ روڈ کی تعمیر کے بنا جشن شندور کا انعقاد نہیں ہونے دیا جائے گا۔
انہوں نے چترال پولو ایسو سی ایشن سے مطالبہ کیا کہ وہ بھی عوام کے ساتھ مل کر جلد از جلد جشن شندور کے بائیکاٹ کا اعلان کریں تاکہ اس علاقے کا سب سے اہم اور بنیادی مسئلہ یعنی بونی شندور روڈ اور مستوج برغل روڈ کی تعمیر و پختگی ہوسکیں۔ انہوں نے موجودہ صوبائی و وفاقی حکومتوں بالخصوص وزیر اعظم عمران خان سے مطالبہ کیا کہ انہوں نے الیکشن سے قبل اپنے دورہ مستوج کے موقع پر ان سڑکوں کی تعمیر کا جو وعدہ کیا تھا اب ان کو عملی جامہ پہنانے کا وقت آیا ہے۔
عمائدین کا یہ بھی کہنا تھا کہ چونکہ موجودہ حکومت ملک میں سیاحت کے فروع کے لئے کوشان ہے جبکہ سڑکو ں کی تعمیر کے بنا سیاحت کا فروع ممکن نہیں لہذا ان سڑکوں کی جلد ازجلد تعمیر کو یقینی بنائے۔ مقریرین نے فیصلہ کیا کہ وزیر مواصلات کے تحریری معاہدے کے بنا وہ کسی بھی صورت دھرنے اور احتجاج ختم نہیں کریں اور نہ ہی جشن شندور کے انعقاد کرنے دیں گے۔
تازہ ترین
- ہومانتقال پرملال۔۔مفتاح الدین (المفتاح مڈیسن اسٹور اتالیق بازار چترال)ساکن زرگراندہ طویل علالت کے بعد انتقال کرگئے
- ہومڈھائی ہزار سال قدیم کالاش فیسٹول جو شی (چلم جوشٹ) ڈھول کی تھاپ پر نوجوان مردو خواتین کی گلے میں باہیں ڈال کر رقص،سریلی گیتوں اور اپنی رنگینیوں کے ساتھ کالاش ویلی بمبوریت کے مرکزی مقام بتریک میں اختتام پذیر ہوا
- ہومڈی۔پی۔او آفس بلچ لوئر چترال میں ہفتہ وار اردلی روم کا انعقاد کیا گیا۔
- ہومڈسٹرکٹ پولیس آفیسر لوئر افتخار شاہ کے زیر نگرانی منشیات فروشوں کے خلاف کاروائیوں کا سلسلہ جاری ہے۔
- ہومہزاروں سال قدیم کالاش تہوار “چلم جوشٹ ” پورے جوش و خروش کے ساتھ وادی رمبور کے معروف ڈانسنگ پلیس (چھارسو) گروم میں شروع ہوا۔
- کھیل*چیف سیکرٹری خیبرپختونخوا ندیم اسلم چوہدری کی زیر صدارت شندور پولو فیسٹیول کے انتظامات کے حوالے سے اجلاس کا انعقاد*
- ہوملوئر چترال میں 9 مئی کے حوالے سے ایک ریلی نکالی گئی
- مضامینداد بیداد۔۔۔ڈاکٹر عنا یت اللہ فیضی۔۔۔۔شراکت داری اور تر قی
- ہومپولیس اسٹیشن دروش کی کامیاب کاروائی 11 کلو سے زائد چرس برآمد
- مضامینداد بیداد۔۔ڈاکٹر عنا یت اللہ فیضی ۔۔۔پرستان قبل از اسلا م