چترال (نمائندہ چترال میل)پلوامہ واقعہ کے بعد پیدا ہونے والی صورتحال انڈین عوام کی طرف سے اشتعال انگیز بیانات اور بھارتی حکومت کی طرف سے جنگ کی دھمکیوں کا جواب دینے اور اس نازک موقع پر اپنے سپاہ کا حوصلہ بلند کرنے اور ہر قسم کے تعاون کی یقین دہانی کیلئے مورخہ چوبیس فروری بروز اتوار بعد از نماز ظہر چترال بازار میں عوامی ریلی اور جلسہ عام منعقد کیا جائے گا۔ تمام غیور اور محب الوطن چترالی عوام سے اپیل کی جاتی ہے کہ وطن عزیز کے دفاع اور باہمی اتحاد و یگانگت کے لئے منعقد ہونے والی ریلی اور جلسہ عام میں بھرپور شرکت فرما کر جذبہ حب الوطنی کا ثبوت دیں۔