چترال(نمائندہ چترال میل) پی پی پی کی شہید چیئر پرسن اور سابق وزیر اعظم محترمہ بے نظیر بھٹو کی گیارہویں برسی چترال میں بھی انتہائی عزت واحترام کے ساتھ منائی گئی اور چترال کے ٹاؤن ہال میں تقریب منعقد ہوئی جس میں بھٹو خاندان کے شہداء کے لئے اجتماعی دعا کے بعد ملک میں جمہوریت کی بقا اور غریبوں کو ان کا حق دینے، پاکستان کو ایٹمی قوت بنانے اور اسے ترقی یافتہ ممالک کے صف میں لانے اور اسلامی دنیا کی یکجہتی میں شہید ذولفقار علی بھٹو اور محترمہ بے نظیر بھٹو کی خدمات پر تفصیل سے روشنی ڈالی گئی۔ پی پی پی کے ضلعی صدر اور سابق صوبائی وزیر سلیم خان کے زیر صدارت اس اجلاس میں ضلع بھر سے پارٹی کارکنان نے کثیر تعداد میں شرکت کی۔ اس موقع پر سلیم خان کے علاول محمد حکیم ایڈوکیٹ، سجا د اخوند، خوش محمد، عبدالحمید، عالم زیب ایڈوکیٹ، شریف حسین، اقبال مراد، شیر جوان اور دوسروں نے کہاکہ بھٹو خاندان کے خلاف ایک گہری اور سوچے سمجھے منصوبے کے تحت سازش کرتے ہوئے ان کو راستے سے ہٹائے گئے مگر ان کو معلوم ہونا چاہئے کہ ہر گھر سے نکلنے والے بھٹو کو ختم کرنا ان کے بس کی بات نہیں۔ انہوں نے کہاکہ پارٹی قائدین ملکی صورت حال کے بارے میں جو بھی فیصلہ کریں ہم اس پر لبیک کہہ دیں گے۔ انہوں نے اپر چترال کو ضلعے کا درجہ دینے مگر سہولیات اور فنڈز فراہم نہ کرنے پر پی ٹی آئی حکومت کو شدید تنقید کا نشانہ بناتے ہوئے کہاکہ مستوج سب ڈویژن کے عوام کے آنکھوں میں دھول جھونکنا قابل مذمت ہے۔ انہوں نے کہاکہ ہم احتساب کے عمل کے مخالف ہرگز نہیں ہیں مگر ہم چاہتے ہیں کہ عمران خان احتساب کا یہ عمل اپنے گھر سے شروع کرے اور چوروں لٹیروں کو اپنے گود میں بیٹھانے اور دوغلا پن کا سلسلہ ترک کردے۔ انہوں نے چترال کے منتخب ایم این اے اور ایم پی اے کو تنقید کا نشانہ بناتے ہوئے کہاکہ وہ بیان بازی سے آگے کچھ نہیں جانتے اور چند ماہ کے دوران ہی اپنی نااہلیت کو عوام کے سامنے اشکارا کردیا۔ انہوں نے کہاکہ سابق دور حکومت میں منظور شدہ اے ڈی پی کو ختم کرنے پر بھی کوئی حرکت نہیں کی اور زبان سے تالا کھولنے کی زحمت گوارا نہیں کی جس کی وجہ سے کئی سال پیچھے چلاجائے گا۔
تازہ ترین
- ہومچترال میں ٹیکس کے نفاذ کو مسترد کرتے ہوئے چترال کو پچاس سال مزید ٹیکس سے مثتثنی قرار دینے کا مطالبہ۔ پریس کانفرنس
- مضامیندھڑکنوں کی زبان۔۔۔محمد جاوید حیات۔۔۔”تعلیم کے دورازے اور غریب“..
- ہوممالاکنڈ ڈویژن میں مجوزہ ٹیکسوں کے نفاذ کے حوالے سے گورنر خیبر پختونخواہ نے اجلاس طلب کر لیا ہے۔ انجنئیر فضل ربی جان صدر پی پی پی
- ہومانتقال پرملال۔۔مفتاح الدین (المفتاح مڈیسن اسٹور اتالیق بازار چترال)ساکن زرگراندہ طویل علالت کے بعد انتقال کرگئے
- ہومڈھائی ہزار سال قدیم کالاش فیسٹول جو شی (چلم جوشٹ) ڈھول کی تھاپ پر نوجوان مردو خواتین کی گلے میں باہیں ڈال کر رقص،سریلی گیتوں اور اپنی رنگینیوں کے ساتھ کالاش ویلی بمبوریت کے مرکزی مقام بتریک میں اختتام پذیر ہوا
- ہومڈی۔پی۔او آفس بلچ لوئر چترال میں ہفتہ وار اردلی روم کا انعقاد کیا گیا۔
- ہومڈسٹرکٹ پولیس آفیسر لوئر افتخار شاہ کے زیر نگرانی منشیات فروشوں کے خلاف کاروائیوں کا سلسلہ جاری ہے۔
- ہومہزاروں سال قدیم کالاش تہوار “چلم جوشٹ ” پورے جوش و خروش کے ساتھ وادی رمبور کے معروف ڈانسنگ پلیس (چھارسو) گروم میں شروع ہوا۔
- کھیل*چیف سیکرٹری خیبرپختونخوا ندیم اسلم چوہدری کی زیر صدارت شندور پولو فیسٹیول کے انتظامات کے حوالے سے اجلاس کا انعقاد*
- ہوملوئر چترال میں 9 مئی کے حوالے سے ایک ریلی نکالی گئی