شندور (نمایندہ چترال میل) پریوں کا مسکن اور دنیا کی بلند ترین پولوگراؤنڈ شندور میں کیلنڈر ایونٹ تین روزہ شندور پولو فیسٹول ہفتے کے روز شروع ہوا۔ سابق چیف جسٹس نگران وزیر اعلی خیبر پختونخوا جسٹس دوست محمد خان نے گیند پھینک کر کھیلوں کے باد شاہ فری سٹائل پولو کا افتتاح کیا۔ اس موقع پر خیبر پختونخوا کے اداروں کے آفیسران، کمشنر ملاکنڈ ڈویژن سید ظہیر الاسلام شاہ ڈپٹی کمشنر چترال خورشید عالم محسود موجود تھے۔ شندور فیسٹول میں ملک کے مختلف حصوں سے ہزاروں کی تعداد میں سیاح فیسٹول سے لطف اندوز ہونے کیلئے موجود ہیں۔ پولو فیسٹول کا پہلا میچ لاسپور چترال ٹیم اور غذر گلگت کے مابین کھیلا گیا۔ جس میں لاسپور چترال نے شاندار کھیل کا مظاہرہ کرتے ہوئے غذر کو ایک کے مقابلے میں پانچ گولوں سے شکست دی۔ اور وزیر اعلی خیبر پختونخوا کی طرف سے فرسٹ پرائز دس لاکھ روپے کے حقدار ٹھہرے جبکہ رنر اپ ٹیم کو سات لاکھ روپے انعام میں دیے گئے۔ کھیل کے دوران چترال سکاؤٹس کی بینڈ ٹیم اور پیرا گلائیدر نے اپنے فن کا شاندار مظاہرہ کیا۔ اور حاضرین سے خوب داد وصول کی۔ فیسٹول میں خواتین کی بہت بڑی تعداد شریک ہے۔ سیاحوں کو سہولت دینے کیلئے ضلعی انتظامیہ چترال کی طرف سے خیمہ بستی کا انتظام کیا گیا ہے۔ جبکہ سیاحوں کو ضروت کی اشیاء فراہم کرنے کیلئے وسیع بازر قائم کی گئی ہے۔ جسے گلگت اور چترال کے کاروباری افراد نے سجایا ہے۔ افتتاحی میچ میں گلگت صوبے سے نمایاں حکام کی شرکت نہ ہو سکی۔ وزیر اعلی خیبر پختونخوا پہلا میچ دیکھنے کے بعد پشاور واپس ہو گئے۔ ذرائع کے مطابق کل اتوار کے روز چیف سیکرٹری خیبر پختونخوا شندور فیسٹول کے دوسرے روز کے میچ کے مہمان خصوصی ہوں گے۔شندور پولو فیسٹول کا دوسرا میچ چترال ڈی اور گلگت ڈی کے درمیان کھیلا گیا۔ شندور کا حسین میدان اور جھیل کے اطراف میں سیاحوں کی جم غفیر نے ڈھیرے ڈالے ہوئے ہیں۔ الیکشن کی گرما گر می کے باوجود لوگ فیسٹول کا لطف اٹھانے کیلئے طویل سفر طے کرکے شندور پہنچ گئے ہیں۔
تازہ ترین
- ہومتھانہ ایون کی حدود میں لویر چترال پولیس نے منشیات کے خلاف کریک ڈاون کے دوران کالاش وادی رمبور میں کالاش قبیلے سے تعلق رکھنے والے کرنل کے بیٹے میجر کو دیسی شراب کی بڑی مقداروادی سے چترال شہر ٹرانسپورٹ کرنے کی پاداش میں رنگے ہاتھوں گرفتارکرلیا۔
- مضامینداد بیداد۔۔۔۔ڈاکٹر عنا یت اللہ فیضی۔۔۔انسا نی حقوق کا آئینہ
- مضامیندھڑکنوں کی زبان۔۔۔۔۔محمد جاوید حیات۔۔۔۔۔”زندگی سے ڈرو“۔۔
- سیاستلویر چترال میں تحصیل چیرمین دروش کے الیکشن میں پی ٹی آئی کا حمایت یافتہ امیدوار سید فریدجان ایڈوکیٹ نے غیر حتمی اور غیر سرکاری نتائج کے مطابق کامیابی حاصل کی ہے۔
- مضامینداد بیداد۔۔ڈاکٹر عنا یت اللہ فیضی۔۔نظر آنے والے کام
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے
- ہومڈپٹی کمشنر اپر چترال محمد عرفان الدین کے دفتر میں مختلف آفات کے سبب فوت ہونے والوں کے لواحقین میں امدادی چیک تقسیم کئے گئے
- ہوملویر چترال میں حفاظتی ٹیکے کا عالمی ہفتے کا آغاز آگہی واک سے کردیا گیا
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما
- سیاستتحصیل کونسل چترال کے اجلاس میں ضلعی انتظامیہ کی طرف سے حالیہ بارشوں کے نتیجے میں ہونے والے نقصانات کی اسیسمنٹ کی تاریخ میں کم ازکم دس دن کی توسیع کا مطالبہ کرتے ہوئے موجودہ طریقہ کار پر بھی عدم اطمینان کا اظہا رکیا گیا