دروش(نمائندہ چترال میل) محکمہ واپڈا کی نااہلی اور غفلت کی وجہ سے پچھلے چار دنوں سے دروش بازار کا رہائشی اور کاروباری علاقہ تاریکی میں ڈوبا ہوا ہے۔ تفصیلات کے مطابق گذشتہ پیر کی رات کو علاقے کو بجلی فراہم کرنے والا150کے وی کا ٹرانسفارمر زوردار دھماکے سے پھٹ گیا جسکے بعد علاقے کو بجلی سپلائی معطل ہوگئی ہے۔ 150کے وی کے اس ٹرانسفارمر سے نہ صرف دروش بازار کے سینکڑوں تجارتی و گھریلو صارفین کو بجلی فراہم ہوتی تھی بلکہ تحصیل ہیڈ کوارٹر ہسپتال کے ایک حصے کو بھی اسی ٹرانسفارمر سے بجلی ملتی تھی۔ تیمرگرہ میں موجود واپڈا (پیسکو) کے ایکسین اور چترال میں واپڈا کے ایس ڈی او کی طرف سے صارفین کو بتایا گیا کہ اگر صارفین خراب شدہ ٹرانسفارمر کو چکدرہ پہنچائیں تو انہیں وہاں سے 200کے وی کا ٹرانسفارمر مہیاکیا جائیگا۔ اس وعدے پر مقامی لوگوں نے دروش سے چکدرہ تک گاڑی کا بندوبست کیا اور خراب شدہ ٹرانسفارمر جب وہاں پہنچایا گیا تو ادھر سے حسب وعدہ 200کے وی کا ٹرانسفارمر دینے کے بجائے 100کے وی کا پرانا ٹرانسفارمر دیا گیا۔ جب چکدرہ سے ٹرانسفارمر دروش پہنچایا گیا تو مقامی صارفین نے اس پر زبردست احتجاج کیا مگر واپڈا حکام نے کہا کہ وہ فوری طور پر 100کے وی کا ایک اور ٹرانسفارمر مہیا کرکے بجلی کا لوڈ تقسیم کرینگے۔ تاہم واپڈا والوں کی طرف سے 100کے وی والے ٹرانسفارمر کو نصب کرکے بجلی سپلائی شروع ہونے کے فوراً بند یہ ٹرانسفارمر بھی جواب دے گیا اور بجلی کے اتار چھڑاؤ کی وجہ سے گھریلو صارفین کے قیمتی الیکٹرانک اشیاء بھی جل گئے۔ بعد ازا ں نماز عشاء کے بعد مقامی صارفین نے قاری جمال عبدالناصر کی قیادت میں واپڈا کے خلاف ایک جلوس نکالا جو کہ ACدروش کے آفس کے سامنے میں احتجاجی مظاہرے میں بدل گیا۔ مظاہرین نے واپڈا کے دوغلے پن کی شدید الفاظ میں مذمت کی اور متنبہ کیا کہ اگر فوری طور پر بجلی کا مسئلہ حل نہ کیا گیا تو وہ شدید احتجاج کرینگے اور حالات خراب ہونے کی تمام ذمہ داری واپڈا پر عا ئد ہوگی۔ بعد ازاں ایڈیشنل اسسٹنٹ کمشنر دروش نے مظاہرین کے ساتھ مذاکرات کرکے انہیں پر امن طور پر منتشر ہونے پر راضی کیا اور واپڈا حکام کو سختی سے تاکید کی کہ وہ فوری طور پر بجلی بحالی کا بندوبست کریں۔
تازہ ترین
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے
- ہومڈپٹی کمشنر اپر چترال محمد عرفان الدین کے دفتر میں مختلف آفات کے سبب فوت ہونے والوں کے لواحقین میں امدادی چیک تقسیم کئے گئے
- ہوملویر چترال میں حفاظتی ٹیکے کا عالمی ہفتے کا آغاز آگہی واک سے کردیا گیا
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما
- سیاستتحصیل کونسل چترال کے اجلاس میں ضلعی انتظامیہ کی طرف سے حالیہ بارشوں کے نتیجے میں ہونے والے نقصانات کی اسیسمنٹ کی تاریخ میں کم ازکم دس دن کی توسیع کا مطالبہ کرتے ہوئے موجودہ طریقہ کار پر بھی عدم اطمینان کا اظہا رکیا گیا
- ہومترال شہر اور مضافات کے سینکڑوں تندورمالکان نے حکومت سے پرزور مطالبہ کیا ہے کہ چترال کی علاقائی مشکلات اورحالات کو پیش نظر رکھ کر روٹی کا پرانا نرخ بحال کردے
- Uncategorizedداد بیداد۔۔۔ڈاکٹر عنا یت اللہ فیضی۔۔۔چارویلو رحمت ولی خان مر حوم
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ