بچوں کی زندگی بچانے کے لئے مخیر حضرات اور حکومت سے امداد کی اپیل

چترال (نمائندہ چترال میل)ساکنہ بشقیر بالا گرم چشمہ سے تعلق رکھنے والے گل ولی خان ولد نصیر خان نے تمام مخیر حضرات اور حکومت وقت سے اپیل کی ہے کہ ان کے دو بیٹے Heamophieia A کے مرض کا شکار ہیں۔ بڑے بیٹے عمر ولی خان جس کی عمر 18 سال ہے گزشتہ 17 سال سے وہ ان کا علاج کرارہے ہیں مگر تنگدستی کی وجہ سے وہ ان کا بھر پور علاج نہیں کر پا رہے ہیں جس کی وجہ سے ان کا بیٹا اپاہیج ہونے کے قریب ہیں۔ ان کا کہنا تھا کہ ان کے بیٹے کو ہر ماہ 22 ہزار کی انجیکشن لگتی ہے اب گزشتہ دو سال سے ان کے چھوٹے بیٹے جنید ولی کو بھی یہ بیماری لاحق ہوگئی ہے بیماری ابھی شروع کے اسٹیج میں ہے اور ڈاکٹرز کا کہنا ہے کہ اگر ابھی سے ان کا صحیح علاج کیا گیا تو وہ عمر بھر کی معذوری سے بچ سکتے ہیں۔ وہ غریب آدمی ہیں اور اپنے بیٹوں کا علاج کرانے سے قاصر ہے۔ اب تک علاج معالجے میں ان پر 7لاکھ کا قرضہ بھی چڑھا ہوا ہے۔ گل ولی نے تمام مخیر حضرات سے اپیل کی ہے کہ وہ ان کی غریبی کو مدنظر رکھتے ہوئے ان کے بیٹوں کے علاج میں ان کی مدد کریں تاکہ رمضان کے مبارک مہینے میں ان کو ثواب دوگنا ہو کر ملے۔گل ولی نے موجودہ حکومت، چیف جسٹس اور آرمی چیف سے بھی اپنے بچوں کے علاج کے مدد کرنے کی اپیل کی ہے۔ مخیر حضرات گل ولی خان کے موبائل نمبر 0346-9205798 پر ان سے رابطہ کرسکتے ہیں۔ یا ان کے یوبی ایل بینک اکاؤنٹ نمبر 07680010040947650015 برانچ کوڈ 0140768یا نیشنل بینک گرم چشمہ کے اکاؤنٹ نمبر 3118679856پر امدادی رقم جمع کرسکتے ہیں۔