چترال (محکم الدین) سات روزہ مُلکی ٹورنامنٹ کا فائنل پولو میچ بارش سے پولوگراؤنڈ گیلا ہونے کے سبب اتوار کے روز نہیں کھیلا جا سکا۔ تاہم رسہ کشی اور تیر اندازی کے مقابلے اور کلچرل شو کا انعقاد کیا گیا۔ اس سے قبل گورنمنٹ کامرس کالج چترال کے ہال میں محفل مشاعرہ، کلچرل شو ہو ا ، جبکہ یونیورسٹی آف چترال کے طلبہ کی طرف سے لگائے گئے مختلف اسٹالز کی نمائش کی گئی۔ جس میں طالبات کی طرف سے چترال کی دستکاری، گولین کے طلبہ کی طرف سے منرل واٹر کی تیاری، چترالی گیتوں کومقامی سٹوڈیو میں کمپوز کرنے،مناسب ریٹ پر لوکل ٹیکسی سروس کے ائیڈیاز بھی پیش کئے گئے۔ پروگرام میں کتابوں کے اسٹال بھی لگائے گئے تھے۔ مُلکی ٹورنامنٹ میں چترال بھر سے 45 پولو ٹیموں نے حصہ لیا۔ جبکہ فائنل میچ چترال پولیس اور چترال سکاؤٹس کے مابین کھیلا جائے گا۔ ٹورنامنٹ میں پولو سمیت تمام روایتی گیم شامل تھے۔ جن سے چترال کے تماشائی بہت محظوظ ہوئے۔ اتوار کے روز رسہ کشی اور تیز اندازی کے مقابلے ہوئے جس میں کمانڈنٹ چترال ٹاسک فورس کرنل معین الدین، ڈپٹی کمشنر چترال ارشاد سدھر نے بھی حصہ لیا۔ بعد آزان مہمان خصوصی کمانڈنٹ چترال سکاؤٹس نے کامیاب کھلاڑیوں میں ٹرافی تقسیم کئے۔ اس موقع پر تماشائیوں کی ایک جم غفیر موجود تھی۔ جس میں غیر ملکی سیاح بھی شامل تھے۔ تقسیم انعامات کے بعد چترالی ثقافتی شو میں ڈپٹی کمشنر، کمانڈنٹ چترال سکاؤٹس، کیپٹن (ر) شہزادہ سراج الملک اور غیر ملکی سیاحوں نے ڈانس کرکے جشن سے اپنی دلچسپی کا اظہار کیا ۔ اس موقع پر اسسٹنٹ کمشنر ساجد نواز، اسسٹنٹ کمشنر مستوج اون حیدر گندل، سٹلمنٹ آفیسر سید مظہر علی شاہ، ڈی جی ریسکیو 1122ڈاکٹر خطیر، ایمر جنسی آفیسر امجد خان، اے ڈی ای او عبدالرحمت و دیگر موجود تھے۔
تازہ ترین
- مضامینداد بیداد۔۔۔ڈاکٹر عنا یت اللہ فیضی ۔۔۔تبدیلیوں پر پا بندی
- کھیلاپر چترال میں جشن کا غ لشٹ آج جمعرات کے روز شروع ہوگئی
- مضامیندھڑکنوں کی زبان۔۔۔۔محمد جاوید حیات۔۔۔۔۔۔۔۔”ہمارے ہاں خدمت کا صلہ“۔۔۔۔
- مضامینداد بیداد ۔۔۔۔ڈاکٹر عنا یت اللہ فیضی۔۔۔۔مزدوروں کا دن
- ہومتھانہ ایون کی حدود میں لویر چترال پولیس نے منشیات کے خلاف کریک ڈاون کے دوران کالاش وادی رمبور میں کالاش قبیلے سے تعلق رکھنے والے کرنل کے بیٹے میجر کو دیسی شراب کی بڑی مقداروادی سے چترال شہر ٹرانسپورٹ کرنے کی پاداش میں رنگے ہاتھوں گرفتارکرلیا۔
- مضامینداد بیداد۔۔۔۔ڈاکٹر عنا یت اللہ فیضی۔۔۔انسا نی حقوق کا آئینہ
- مضامیندھڑکنوں کی زبان۔۔۔۔۔محمد جاوید حیات۔۔۔۔۔”زندگی سے ڈرو“۔۔
- سیاستلویر چترال میں تحصیل چیرمین دروش کے الیکشن میں پی ٹی آئی کا حمایت یافتہ امیدوار سید فریدجان ایڈوکیٹ نے غیر حتمی اور غیر سرکاری نتائج کے مطابق کامیابی حاصل کی ہے۔
- مضامینداد بیداد۔۔ڈاکٹر عنا یت اللہ فیضی۔۔نظر آنے والے کام
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے