چترال(نمائندہ چترال میل) ملاکنڈ ڈویژن کے مختلف علاقوں کی طرح چترال بھر میں بھی میڈیکل اسٹور بند رہے جس کی وجہ سے مریضوں اور ان کے تیمارداروں کو سخت مشکلات کاسامنا کرنا پڑا۔ چترال شہر میں واقع ڈی ایچ کیو ہسپتال میں داخل مریضو ں کے ساتھ آنے والوں نے ادویات کی کمی کی شکایت کی جبکہ ہسپتال کے ایک ذمہ دار کے مطابق ہسپتال کے اسٹور میں ادویات کی فی الحال کمی نہیں ہے جبکہ ہڑتال طویل ہونے کی صورت میں مشکلات پیش آسکتی ہیں۔ ضلع بھر کے مختلف قصبات دروش، بونی، ایون، کوغذی، وریجون، شاگرام،مستوج، بریپ، اویر،تارشیشی کوہ، ارندو، شوغور، کوشٹ، ریشن اور دوسرے مقامات پر میڈیکل مکمل طور پربند رہے۔ چترال شہر میں قائم میڈیکل اسٹوروں کے پچاس سے ذیادہ مالکان نے چترال پریس کلب کے سامنے دھرنا دئیے رکھا جوکہ نماز مغرب تک جاری رہا۔ میڈیکل اسٹوروں کی بندش کی وجہ سے ڈاکٹروں کی پرائیویٹ کلینک بھی متاثر نظر آئے جہاں آنے والے مریضوں کی تعدادبہت کم رہی جبکہ بعض کلینک بھی بند رہے جن کے ساتھ پرائیویٹ لیبارٹری بھی پائے گئے۔ پاکستان کیمسٹس اینڈ ڈرگسٹس ایسوسی ایشن کے صدر عمران حسین اور دوسرے سینئر رہنما فخر عالم، نور احمد خان، محمد حسین اور دوسروں نے اس عزم کا اظہار کیاکہ چترال کی کیمسٹ برادری ملاکنڈڈویژن اور صوبے کی سطح پر ایسوسی ایشن کی کال پر لبیک کہتے ہوئے اس ہڑتال کو کامیاب بنانے میں کوئی کسر نہیں چھوڑیں گے۔ دریں اثناء ڈسٹرکٹ ہیلتھ افیسر ڈاکٹر اسراراللہ نے بتایاکہ چترال شہر سے باہر واقع بونی، دروش اور گرم چشمہ کے ہسپتالوں کے ساتھ ساتھ تمام رورل ہیلتھ سنٹروں اور بیسک ہیلتھ یونٹوں میں ہنگامی حالت کے تحت تمام ادویات مہیاکئے جارہے ہیں اور میڈیکل اسٹوروں کی بندش سے مریضوں کو ادویا ت کے حصول میں کسی تکلیف کا سامنا نہیں ہوا۔ ایک سوال کے جواب انہوں نے کہاکہ ان ہسپتالوں میں ادویات کی اتنی بڑی اسٹاک موجود ہے کہ ہڑتال طول پکڑنے کی صورت میں ہم کئی مہینوں تک ادویات فراہم کرسکتے ہیں۔
تازہ ترین
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے
- ہومڈپٹی کمشنر اپر چترال محمد عرفان الدین کے دفتر میں مختلف آفات کے سبب فوت ہونے والوں کے لواحقین میں امدادی چیک تقسیم کئے گئے
- ہوملویر چترال میں حفاظتی ٹیکے کا عالمی ہفتے کا آغاز آگہی واک سے کردیا گیا
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما
- سیاستتحصیل کونسل چترال کے اجلاس میں ضلعی انتظامیہ کی طرف سے حالیہ بارشوں کے نتیجے میں ہونے والے نقصانات کی اسیسمنٹ کی تاریخ میں کم ازکم دس دن کی توسیع کا مطالبہ کرتے ہوئے موجودہ طریقہ کار پر بھی عدم اطمینان کا اظہا رکیا گیا
- ہومترال شہر اور مضافات کے سینکڑوں تندورمالکان نے حکومت سے پرزور مطالبہ کیا ہے کہ چترال کی علاقائی مشکلات اورحالات کو پیش نظر رکھ کر روٹی کا پرانا نرخ بحال کردے
- Uncategorizedداد بیداد۔۔۔ڈاکٹر عنا یت اللہ فیضی۔۔۔چارویلو رحمت ولی خان مر حوم
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ