چترال (محکم الدین) ضلعی انتظامیہ چترال، اُسامہ احمد وڑائچ اکیڈمی اور گورنمنٹ سنٹینیل ماڈل ہائی سکول چترال نے چترال کے طلباء و طالبات میں حصول تعلیم کے میدان میں مقابلے کا رجحان پیدا کرنے کیلئے سیلف اسسمنٹ ٹسٹ کا انعقاد کیا۔ جس میں نویں، دسویں، گیارویں اور بارہویں جماعت کے تقریبا 300 طلباء وطالبات نے حصہ لیا۔ مقابلے کے یہ ٹسٹ گورنمنٹ سنٹینیل ماڈل ہائی سکول چترال میں انجام پائے۔ ایڈیشنل ڈپٹی کمشنر چترال منہاس الدین، پرنسپل کمال الدین، انچارج او سامہ احمد وڑائچ اکیڈمی فدا لرحمن اور علامہ اقبال اوپن یونیورسٹی کے ڈائریکٹر رفیع اللہ نے اس موقع پر امتحانی ہال کی وزٹ کی اور میڈیا سے بات چیت کرتے ہوئے ایڈیشنل ڈپٹی کمشنر نے کہا۔ کہ تمام سٹوڈنٹس ذاتی دلچسپی کے تحت اس ٹسٹ میں حصہ لیا ہے۔ جس میں اول پوزیشن حاصل کرنے والے کو لیپ ٹاپ، دوسری کو ڈسک ٹاپ جبکہ تیسری پوزیشن کے حامل سٹوڈنٹس کو ٹیبلٹ انعام میں دیے جائیں گے۔ انہوں نے کہا۔ کہ اس ٹسٹ کا آغاز پہلی مرتبہ کیا گیا ہے۔ جس کا بنیادی مقصد طلبہ میں تعلیمی میدان میں اعلی سے اعلی پوزیشن حاصل کرنے کا جذبہ پیدا کرنا ہے ۔ تاکہ باصلاحیت طلباء و طالبات کو شروع سے اپنی صلاحیتوں کو بروئے کار لانے کا موقع مل سکے۔ انہوں نے کہا۔ کہ فی الحال یہ مقابلہ ٹاپ تری کے مابین ہے۔ جبکہ آیندہ ٹاپ ٹین میں مقابلہ ہو گا۔ انہوں نے کہا۔ کہ تینوں اداروں کی یہ کو شش ہے۔ کہ ہم ملکی اور بین الاقوامی مقابلے کے حامل سٹوڈنٹس تیار کر سکیں۔ اور چترال کا نام ملک اور پوری دُنیا میں روشن ہو۔ انہوں نے کہا۔ کہ کامیاب طلبہ میں انعامات تقسیم کرنے کے موقع پر شاندار تقریب منعقد کی جائے گی۔ جس میں طلباء و طالبات کے علاوہ دیگر عمائدین کو بھی دعوت دی جائے گی۔
تازہ ترین
- کھیل*چیف سیکرٹری خیبرپختونخوا ندیم اسلم چوہدری کی زیر صدارت شندور پولو فیسٹیول کے انتظامات کے حوالے سے اجلاس کا انعقاد*
- ہوملوئر چترال میں 9 مئی کے حوالے سے ایک ریلی نکالی گئی
- مضامینداد بیداد۔۔۔ڈاکٹر عنا یت اللہ فیضی۔۔۔۔شراکت داری اور تر قی
- ہومپولیس اسٹیشن دروش کی کامیاب کاروائی 11 کلو سے زائد چرس برآمد
- مضامینداد بیداد۔۔ڈاکٹر عنا یت اللہ فیضی ۔۔۔پرستان قبل از اسلا م
- تعلیمیونیورسٹی آف چترال کی طرف سے بی ایس پروگرام کی فیسوں میں 57فیصد اضافے کے خلاف طلباء وطالبات سراپا احتجاج بن کر اسے انتہائی ظالمانہ قرار دیتے ہوئے صوبائی حکومت سے پرزور مطالبہ کیا ہے کہ چترال میں غربت اور بے روزگاری کو مدنظر رکھتے ہوئے اس فیصلے کو فوری طور پر واپس لیا جائے
- ہوممادری زبانوں کے تحفظ اور ترقی کیلئے کام کرنے والا ادارہ فورم فار لینگویج انشیٹیوز کے زیر انتظام چترال میں ایک کثیراللسانی مہرکہ منعقد ہوا۔
- مضامینداد بیداد ۔۔۔ڈاکٹر عنا یت اللہ فیضی۔۔ما ضی کا پشاور
- مضامینداد بیداد۔۔۔ڈاکٹر عنا یت اللہ فیضی ۔۔۔تبدیلیوں پر پا بندی
- کھیلاپر چترال میں جشن کا غ لشٹ آج جمعرات کے روز شروع ہوگئی