چترال (نما یندہ چترال میل)کلین اینڈ گرین چترال کے حوالے سے ویلج کونسل جغور نے مقامی سکول میں ایک پروگرام منعقدکیا جس میں پلاسٹک سے بنی شاپنگ بیگ کی جگہ کپڑے سے بنے ہوئے تھیلوں کو رواج دے کر ماحول کوآلودگی سے بچانے کے لئے تھیلے تقسیم کئے گئے جبکہ اس کا افتتاح گزشتہ ماہ وزیر اعلیٰ پرویز خٹک اور عمران خان نے دورہ چترال کے موقع پر کیا تھا۔ ڈپٹی کمشنر چترال ارشاد سدھر نے مقامی لوگوں میں کپڑے کے تھیلے تقسیم کئے۔ اس موقع پر خطاب کرتے ہوئے جغور کے ویلج ناظم سجاد احمد خان کی کاوشوں کوسراہتے ہوئے انہیں دوسروں کے لئے قابل تقلید قرار دیا۔ انہوں نے سکول کے بچوں سمیت دوسرے لوگوں سے اس موقع پر وعدہ لیا کہ وہ پلاسٹک سے بنی ہوئی شاپنگ بیگز کی حوصلہ شکنی میں کردار ادا کریں گے اور مقامی دکانداروں سے یہ تھیلے قبول نہیں کریں گے۔ ڈی سی چترال نے کہاکہ اب کپڑے سے بنے ہوئے تھیلے چترال میں بھی تیار کئے جائیں گے تاکہ ان کی دستیابی عام ہونے کی وجہ سے ان کا استعمال بھی عام ہوجائے۔ انہوں نے کہاکہ چترال کی قدرتی حسن سے فائدہ اٹھاتے ہوئے اسے بہترین ٹورسٹ ریزرٹ میں تبدیل کیا جائے گا اور صاف ماحول کے بغیر یہ ممکن نہیں ہوگا اور ہمیں پولی تھین بیگز سے مل کر نجات حاصل کرنا ہوگا۔ اس سے قبل مقامی لوگوں نے جغور گول میں پانی کے گزرگاہ ندی کے ساتھ گجر برادری کے گھروں سے پانی کو آلودہ اور ناقابل استعمال بنانے کی شکایت کی،سڑکوں کے نزدیکی نالوں سے مسائل،ہنجگول روڈ کی کشادگی اورجغور گاؤں کے اندر بھی تجاوزات کی طرف توجہ دلائی جس پرڈی سی نے موقع پر موجود اے سی چترال کو ہدایت کردی کہ صورت حال کا جائز ہ لے کر مناسب قدم اُٹھایا جائے۔ اس موقع پر جغورکے عوام نے وی سی ناظم سجاد احمد خان کی صفائی کے حوالے سے انتھک کوششوں اور بحیثیت چیرمین آل ویلج ناظمین فورم دوسرے ویلج کونسلوں میں کلین اینڈ گرین چترال کے حوالے سے کام کرنے پر ان کی خدمات کی تعریف کی۔ پروگرام میں اے سی عبدالاکرم،سکول ہیڈ ماسٹر منیراحمد،انجینئر فہیم جلال علاقہ معززین،اساتذہ اور سکول کے بچوں نے کثیر تعداد میں شرکت کی۔
تازہ ترین
- مضامینداد بیداد۔۔۔ڈاکٹر عنا یت اللہ فیضی ۔۔۔تبدیلیوں پر پا بندی
- کھیلاپر چترال میں جشن کا غ لشٹ آج جمعرات کے روز شروع ہوگئی
- مضامیندھڑکنوں کی زبان۔۔۔۔محمد جاوید حیات۔۔۔۔۔۔۔۔”ہمارے ہاں خدمت کا صلہ“۔۔۔۔
- مضامینداد بیداد ۔۔۔۔ڈاکٹر عنا یت اللہ فیضی۔۔۔۔مزدوروں کا دن
- ہومتھانہ ایون کی حدود میں لویر چترال پولیس نے منشیات کے خلاف کریک ڈاون کے دوران کالاش وادی رمبور میں کالاش قبیلے سے تعلق رکھنے والے کرنل کے بیٹے میجر کو دیسی شراب کی بڑی مقداروادی سے چترال شہر ٹرانسپورٹ کرنے کی پاداش میں رنگے ہاتھوں گرفتارکرلیا۔
- مضامینداد بیداد۔۔۔۔ڈاکٹر عنا یت اللہ فیضی۔۔۔انسا نی حقوق کا آئینہ
- مضامیندھڑکنوں کی زبان۔۔۔۔۔محمد جاوید حیات۔۔۔۔۔”زندگی سے ڈرو“۔۔
- سیاستلویر چترال میں تحصیل چیرمین دروش کے الیکشن میں پی ٹی آئی کا حمایت یافتہ امیدوار سید فریدجان ایڈوکیٹ نے غیر حتمی اور غیر سرکاری نتائج کے مطابق کامیابی حاصل کی ہے۔
- مضامینداد بیداد۔۔ڈاکٹر عنا یت اللہ فیضی۔۔نظر آنے والے کام
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے