پشاور (نما یندہ چترال میل)خیبر پختونخوا کے سنیئر وزیر برائے صحت شہرام تراکئی نے پشاور میں زرعی تربیتی ادارے پر دہشتگردوں کے حملے کی شدید الفاظ میں مذمت کرتے ہوئے اسے ایک بزدلانہ قدم قرار دیا ہے اور کہا ہے کہ ایسے واقعات سے قوم اور سکیورٹی اداروں کے حوصلے ہر گز پست نہیں ہونگے اور حکومت عوام اور سکیورٹی اداروں کے تعاون سے امن و امان کو برقرار رکھنے کے لئے اپنی تمام تر توانائیاں او ر وسائل بروئے کار لائے گی۔ ان خیالات کا ظہار انہوں نے زرعی تربیتی ادارے پر دہشت گرد حملے کے فوری بعد خیبر ٹیچنگ ہسپتال پشاور میں زیر علاج زخمیوں کی عیادت کے موقع پر ذرائع ابلاع کے نمائندوں سے بات چیت اور بعد آزاں انسپکٹر جنرل پولیس خیبرپختونخوا صلاح الدیں محسود کے ہمراہ پریس کانفرنس سے خطاب کرتے ہوئے کیا۔ انہوں نے کہا کہ صوبائی حکومت، سکیورٹی اداروں، پولیس اور دیگر قانون نافذ کرنے والے اداروں کی انتھک کوششوں اور لازوال قربانیوں کی وجہ سے دہشت گردی کا تقریباخاتمہ ہوگیا ہے اور صوبے میں امن وامان بحال ہو چکا ہے مگربعض عناصر اس امن کو خراب کرنے کی ناکام کوشش کر رہے ہیں جو اپنے مذموم مقاصد میں کبھی کامیاب نہیں ہوسکتے۔قبل ازیں مذکورہ واقعے کی اطلاع ملتے ہی صوبائی وزیر خیبر ٹیچنگ ہسپتال پہنچ گئے اور اس واقعے کے زخمیوں کو فراہم کی جانے والی علاج معالجے کی معاملات کی خود نگرانی کی۔ وہ فرداٌفرداٌ تمام زخمیوں کے پاس گئے اور اُن سے ہسپتال میں فراہم کی جانے والی طبی سہولیات کے بارے میں معلومات حاصل کیں۔ صوبائی وزیر نے ہسپتال انتظامیہ کو ہدایت کی کہ زخمیوں کو علاج معالجے کی بہتریں سہولیات کو ہر لحاظ سے یقینی بنایا جائے اور ہسپتال میں ان زخمیوں کی بہترین نگہداشت کے لئے اسپیشیلسٹ ڈاکٹروں کی ہمہ وقت موجودگی یقینی بنایا جائے۔انہوں نے واقعے کے فوری بعد موقع پر پہنچ کر دہشت گردوں کا جوانمردی سے مقابلہ کرنے اور بہت سے انسانی جانوں کے ضیاع کو روکنے پر سکیورٹی اداروں کو شاندار الفاظ میں خراج تحسین پیش کرتے ہوئے کہا کہ اگرپولیس اور پاک فوج کے جوان بروقت موقع پر پہنچ کرکاروائی نہ کرتے تو قیمتی انسانی جانوں کا کئی گنا ضیاع ہو سکتا تھا۔ صوبائی وزیر نے ہسپتالوں میں زخمیوں کو بروقت اور بہترین طبی امداد کی فراہمی کو یقینی بنانے پر خیبر ٹیچنگ ہسپتال اور حیات آباد میڈیکل کمپلکس کی انتظامیہ اور طبی عملے کی کارکرگی کو بھی خراج تحسین پیش کیا۔اس موقع پر صوبائی وزیر نے واقعے میں شہیدہونے والوں کی درجات کی بلندی اور زخمیوں کی جلد صحتیابی کے لئے دعا بھی کی۔ شہدا ء کے لواحقین سے دلی تعزیت کا اظہار کرتے ہوئے انہوں نے یقین دلایاکہ صوبائی حکومت مصیبت کی اس گھڑی میں اُن کے ساتھ ہے اور اُنہیں ہر ممکن مدد فراہم کرے گی۔
تازہ ترین
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما
- سیاستتحصیل کونسل چترال کے اجلاس میں ضلعی انتظامیہ کی طرف سے حالیہ بارشوں کے نتیجے میں ہونے والے نقصانات کی اسیسمنٹ کی تاریخ میں کم ازکم دس دن کی توسیع کا مطالبہ کرتے ہوئے موجودہ طریقہ کار پر بھی عدم اطمینان کا اظہا رکیا گیا
- ہومترال شہر اور مضافات کے سینکڑوں تندورمالکان نے حکومت سے پرزور مطالبہ کیا ہے کہ چترال کی علاقائی مشکلات اورحالات کو پیش نظر رکھ کر روٹی کا پرانا نرخ بحال کردے
- Uncategorizedداد بیداد۔۔۔ڈاکٹر عنا یت اللہ فیضی۔۔۔چارویلو رحمت ولی خان مر حوم
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ
- ہوملویر چترال کے دروش ٹاؤن کے گاؤں شیشی آزوردام،حفیظ آباد، جزیر دوری میں کئی دنوں کی مسلسل بارش کی وجہ سے زمین سرک گئی جس کے نتیجے میں تین گھر وں سمیت ایک جامع مسجد مکمل طور پر مٹی تلے دب گئے
- ہومبارش کی وجہ سے مزید تین دن سکول بند رہیں گے۔ نوٹیفیکیشن جاری
- ہومچترال کے طول وعرض میں گزشتہ 24گھنٹو ں سے مسلسل بارشوں کی وجہ سے مختلف مقامات پر دو افراد جان بحق ہوگئے اور کئی گھرمنہدم ہوگئے