چترال(بشیر حسین آزاد) ہوا تقریب سے خطاب کرتے ہوئے چترال سے صوبائی اسمبلی کے ممبر سلیم خان نے کہا کہ پی پی پی غریبوں کی پارٹی ہے اور پی پی پی نے ایون ویلی کے لئے جو بھی ترقیاتی کام کیے ہیں وہ کسی سے پویشدہ نہیں جسمیں مڈل سکول،ہائی سیکنڈری سکول،پرائمری سکول،واٹر سپلائی سکیم،بمبوریت میں کالاش برادری کے لئے ہاسٹل وغیرہ شامل ہے۔ ایون ویلی میں پی پی پی دفتر اور شہید بے نظیر بھٹو لائبریری کے افتتاحی تقریب اور کجو میں ایک شمولتی پروگرام سے خطاب کر تے ہوئے اُنہوں نے کہا کہ پی پی پی ہمیشہ غریبوں کی پارٹی رہی ہے اور غریبوں کے حقوق کے لئے ہر فورم پر بات کرتی آئی ہے،اور آئیندہ بھی بات کرتی رہی گی۔ایم پی اے سلیم خان نے کہا کہ آئیندہ الیکشن میں بھی پی پی پی بھرپور طریقے سے کامیابی حاصل کریگی اور تینوں سیٹیں جیت کر چترال کی مزید خدمت کے ساتھ غریبوں کے حقوق کے لئے جنگ لڑی گی۔ انہعں نے کہا کہ پاکستان پیپلز پارٹی کے دروازے سب کے لئے کھلے ہیں اور عوام جوق درجوق پارٹی میں شامل ہورہے ہیں۔ تقریب سے خطاب کرتے ہوئے اینجنئر فضل ربی نے کہا کہ پی پی پی میری خاندانی پارٹی ہے میرے لیے کوئی نئی پارٹی نہیں جو محبت اور عزت مجھے پی پی پی کے ورکروں نے دی میں اسے کھبی فراموش نہیں کرونگا۔اُنہوں نے کہا کہ کاش میں پارٹی میں پہلے ہی آتا اور میں اپنی خدمات پی پی پی کے لئے پیش کرتا ہوں،تمام جیالوں کے ساتھ ملکر پی پی پی کے لئے ٹھیک ٹھاک کام کرونگا اور پی پی پی چترال میں 1988کی طرح مضبوط ہوگی۔تقریب میں جنرل سیکرٹری پی پی پی ضلع چترال محمد حکیم ایڈوکیٹ، ضلعی رہنما عالم زیب ایڈوکیٹ،انفارمیشن سیکرٹری قاضی فیصل اور جیالوں کی بڑی تعداد نے شرکت کی۔
