دروش(نمائندہ چترال میل) دروش سے چترال جانے والی موٹر کار(غواگئے) گہریت کے قریب حادثے کا شکارہوگئی جسکے نتیجے میں ایک شخص جان بحق دیگر چھ افراد زخمی ہو گئے۔ زخمیوں میں دو خواتین اور دو بچے شامل ہیں۔ تفصیلات کے مطابق موٹر کار جسے سلیم شاہ چلا رہا تھا دروش سے چترال جاتے ہوئے گہریت کے قریب حادثے کا شکار ہوگئی جسکے نتیجے میں گاڑی میں سوار افراد شدید زخمی ہوگئے۔ زخمیوں کو فوری طور پر ٹی ایچ کیو ہسپتال دروش منتقل کر دیا گیا جہاں پر ایک زخمی سمیع اللہ ولد میاں جی سکنہ بازار دروش زخموں کی تاب نہ لاتے ہوئے جان بحق ہوگئے۔ گاڑی میں سوار تمام افرادایک ہی گھرانے سے تعلق رکھتے تھے۔ زخمیوں میں متوفی سمیع اللہ کا بھائی حضرت، زوجہ حضرت، حضرت کی ہمشیرہ اور دو کمسن بچے اور گاڑی ڈرائیور سلیم شامل ہیں۔