چترال (نمائندہ چترال میل) امیر جماعت اسلامی خیبر پختونخوا مشتاق احمد خان نے کہا ہے کہ اس ملک میں جماعت اسلامی ہی واحد سیاسی ہے جوکہ جمہوریت کی بنیاد پر قائم ہے جبکہ باقی تمام سیاسی پارٹی کی بجائے سیاسی پراپرٹی ہیں جوکہ فرد واحد کی ملکیت ہیں اور اس موروثی سیاست نے غلامی کا طوق عوام کے گلے میں ڈال دی ہے اور یہی موروثی سیاستدان عوام کو اپنا زرخرید غلام بناتے ہیں اور تمام برائیاں اسی سے جنم لیتی ہیں اور یہی وجہ ہے کہ جماعت اسلامی نے اس مافیا کے خلاف بغاوت کا اعلان کردیا ہے تاکہ ملک میں خلافت راشدہ کا قیام عمل میں آئے اور اس کے فیوض وبرکات سے ملک کے غریب اور پسے ہوئے عوام مستفید ہوں گے۔ اتوار کے روز چترال میں دروش کے مقام پر ایک شمولیتی جلسے سے خطاب کرتے ہوئے انہوں نے کہاکہ یہ مافیا مختلف ناموں سے مختلف رنگ کے جھنڈے استعمال کرکے اور مختلف نعرے لگاکر عوام ملک وقوم کو لوٹتے رہے ہیں جن کی وجہ سے کرپشن اپنی انتہا کو پہنچ گئی ہے اور خود قومی احتساب بیورو کے مطابق یہ بارہ ارب روپے روزانہ ہے اور اگر یہ کرپشن نہ ہوتو ہم قرض لینے کے بجائے قرض دینے والی قوم بن جائیں گے۔ مشتاق احمد خان نے کہاکہ چترال قدرتی وسائل سے مالامال ہے اور اس کو دوبئی اور سنگاپور کے طرز پر ترقی یافتہ بنایاجا سکتا ہے مگرشرط مخلص، ایماندار اور امانت دار قیادت کی ہے اور اگر اس کے وسائل کو بروئے کار لائے جائیں تو چترال سے ہزاروں نوجوان مزدوری اورنوکری کے لئے چترال سے باہر نہیں جائیں گے بلکہ دوسرے علاقوں سے لوگ یہا ں روزگار کی تلاش میں آئیں گے اور یہ بات بھی ایک حقیقت ہے کہ چترال چترالیوں کا ہے جس کے وسائل پر مقامی لوگوں کا سب سے پہلا حق ہے۔ انہوں نے چترال کے عوام پر زور دیا کہ وہ آنے والے الیکشن میں اپنی اسلام دوستی کا ثبوت دیتے ہوئے چترال میں قومی اسمبلی کی ایک اور صوبائی اسمبلی کی دونوں نشستو ں پر اسی جماعت کے امیدواروں کو اسمبلیوں میں بھیج دیں۔
تازہ ترین
- مضامینداد بیداد۔۔۔ڈاکٹر عنا یت اللہ فیضی ۔۔۔تبدیلیوں پر پا بندی
- کھیلاپر چترال میں جشن کا غ لشٹ آج جمعرات کے روز شروع ہوگئی
- مضامیندھڑکنوں کی زبان۔۔۔۔محمد جاوید حیات۔۔۔۔۔۔۔۔”ہمارے ہاں خدمت کا صلہ“۔۔۔۔
- مضامینداد بیداد ۔۔۔۔ڈاکٹر عنا یت اللہ فیضی۔۔۔۔مزدوروں کا دن
- ہومتھانہ ایون کی حدود میں لویر چترال پولیس نے منشیات کے خلاف کریک ڈاون کے دوران کالاش وادی رمبور میں کالاش قبیلے سے تعلق رکھنے والے کرنل کے بیٹے میجر کو دیسی شراب کی بڑی مقداروادی سے چترال شہر ٹرانسپورٹ کرنے کی پاداش میں رنگے ہاتھوں گرفتارکرلیا۔
- مضامینداد بیداد۔۔۔۔ڈاکٹر عنا یت اللہ فیضی۔۔۔انسا نی حقوق کا آئینہ
- مضامیندھڑکنوں کی زبان۔۔۔۔۔محمد جاوید حیات۔۔۔۔۔”زندگی سے ڈرو“۔۔
- سیاستلویر چترال میں تحصیل چیرمین دروش کے الیکشن میں پی ٹی آئی کا حمایت یافتہ امیدوار سید فریدجان ایڈوکیٹ نے غیر حتمی اور غیر سرکاری نتائج کے مطابق کامیابی حاصل کی ہے۔
- مضامینداد بیداد۔۔ڈاکٹر عنا یت اللہ فیضی۔۔نظر آنے والے کام
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے