(چترال میل رپورٹ)وزیر اعلی خیبر پختونخوا کے مشیر برائے مواصلات وتعمیرات اکبر ایوب کی زیر صدارت چترال میں جاری ترقیاتی منصوبوں پرکام کی پیش رفت کے حوالے سے ایک اعلی سطح کا اجلاس پشاورمیں منعقد ہوا جس میں ایم این اے شہزادہ افتخار الدین،ایم پی اے سردارحسین،سیکرٹری سی اینڈ ڈبلیو،ڈپٹی کمشنر چترال،اسسٹنٹ کمشنر چترال،،پلاننگ اینڈ ڈیویلپمنٹ کے افسران،ایکسین چترال کنسٹرکشنز اور دیگر افسران نے شرکت کی۔اجلاس سے خطاب کرتے ہوئے اکبر ایوب نے کہا کہ چترال میں شروع ترقیاتی کاموں کی تکمیل میں تیزی لائی جائے اوراس سلسلے میں کوتاہی برتنے والے اہلکاروں کے خلاف کاروائی کی جائے گی۔ وزیر اعلیٰ کے مشیر نے کہا کہ منصوبوں میں جہاں دشواریوں کاسامناہوں تو اسے ان کے نوٹس میں لایا جائے تاکہ ترقیاتی کاموں میں تیزی لائی جاسکے انہوں نے یقین دلایا کہ متعلقہ اداروں کے اہلکاروں کو درپیش مسائل کو بھی فوری حل کیا جائے گا۔انہوں نے ڈی سی چترال اورای سی چترال کو ہدایات جاری کیں کہ وہ ترقیاتی کاموں کا خود جائزہ لیں اور اس سلسلے میں پیش رفت سے متعلق انہیں آگاہ رکھیں۔اکبر ایوب نے کہا کہ چترال کے ترقیاتی کاموں کی جلد تکمیل کے حوالے سے وہ خود وزیر اعلیٰ خیبر پختونخوا سے بھی ملاقات کریں گے۔اس موقع پر ڈ ی سی چترال نے وزیراعلیٰ کے مشیر کو تفصیلات بتاتے ہوئے کہا کہ چترال میں 4 پُلو کی منظوری دی گئی تھی تاہم ان میں سے دو پر ترقیاتی کام شروع ہے اور جلد از جلد باقی دو پر بھی کام شروع کیا جائے گا۔انہوں نے مزید کہا کہ چترال بازار کی اندرونی سڑکوں پر بھی ترقیاتی کام مکمل ہوچکا ہے اور عوام کے لئے کھول دیا گیا ہے۔ایکسین چترال نے کہا کہ بُونی بوزوند تورخو ر و سڑکے کئی مقامات اور ایُون آر سی سی پُل پر بھی ترقیاتی کام جاری ہے جبکہ ریشان پُل اور روساک دروش کے 100 میٹرپُل کاتعمیری کام مکمل ہوچکا ہے۔اس موقع پر اے سی چترال نے کہا کہ سیلاب سے تباہ ہونے والی 9 سڑکوں میں سے 7 سڑکوں کا تعمیری کام مکمل ہوچکا ہے جبکہ 2 سڑکیں زیرتعمیر ہیں۔اسی طرح بونی کے مقام پر چاروں پُل پر ترقیاتی کام مکمل ہوچکا ہے اور گرم چشمہ سے لیکر کاندوجل تک 2کلو میٹر کی سڑک بھی زیر تعمیر ہے۔ڈی سی چترال نے مزید تفصیلات بتاتے ہوئے کہا کہ ایلیمنٹری اینڈ سیکنڈری ایجوکیشن کی بلڈنگ پر بھی ترقیاتی کام جاری ہے۔اس طرح بمبوریت کے مقام پر گورنمنٹ ہائیر سیکنڈری سکول اور 100 سٹوڈنٹس کے ہاسٹل پر بھی کام مکمل ہوچکا ہے۔ایکسین چترال نے بریفنگ میں بتایا کہ گندم گودام اور بونی پلے گراؤنڈ پر ترقیاتی کام مکمل ہوچکا ہے۔اجلاس کو بتایا گیاکہ چترال میں سیلابی ریلوں سے اکثر سڑکیں تباہ ہوجاتی ہے جس کے لئے مختلف مقاما ت پر پروٹیکشن والز بھی تعمیر کی گئی ہیں اسی طرح جوڈیشل کمپلیکس کے میگا پراجیکٹ پر کام تیزی سے جاری ہے۔
تازہ ترین
- مضامینداد بیداد۔۔۔ڈاکٹر عنا یت اللہ فیضی ۔۔۔تبدیلیوں پر پا بندی
- کھیلاپر چترال میں جشن کا غ لشٹ آج جمعرات کے روز شروع ہوگئی
- مضامیندھڑکنوں کی زبان۔۔۔۔محمد جاوید حیات۔۔۔۔۔۔۔۔”ہمارے ہاں خدمت کا صلہ“۔۔۔۔
- مضامینداد بیداد ۔۔۔۔ڈاکٹر عنا یت اللہ فیضی۔۔۔۔مزدوروں کا دن
- ہومتھانہ ایون کی حدود میں لویر چترال پولیس نے منشیات کے خلاف کریک ڈاون کے دوران کالاش وادی رمبور میں کالاش قبیلے سے تعلق رکھنے والے کرنل کے بیٹے میجر کو دیسی شراب کی بڑی مقداروادی سے چترال شہر ٹرانسپورٹ کرنے کی پاداش میں رنگے ہاتھوں گرفتارکرلیا۔
- مضامینداد بیداد۔۔۔۔ڈاکٹر عنا یت اللہ فیضی۔۔۔انسا نی حقوق کا آئینہ
- مضامیندھڑکنوں کی زبان۔۔۔۔۔محمد جاوید حیات۔۔۔۔۔”زندگی سے ڈرو“۔۔
- سیاستلویر چترال میں تحصیل چیرمین دروش کے الیکشن میں پی ٹی آئی کا حمایت یافتہ امیدوار سید فریدجان ایڈوکیٹ نے غیر حتمی اور غیر سرکاری نتائج کے مطابق کامیابی حاصل کی ہے۔
- مضامینداد بیداد۔۔ڈاکٹر عنا یت اللہ فیضی۔۔نظر آنے والے کام
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے