اسلام آباد( نمائندہ چترال میل ) ادارہ شماریات نے نئی مردم شماری 2017 کی رپورٹ شائع کردی، نئی مردم شماری کے تحت پاکستان کی کل آبادی بیس کروڑ ستتر لاکھ سے تجاوز کرگئی ہے، ملکی آبادی دو اعشاریہ چار فیصد کے حساب سے بڑھ رہی ہے، مردوں کی تعداد خواتین سے زیادہ ہوگئی ہے۔تفصیلات کے مطابق مردم شماری 2017ئکے ابتدائی نتائج جاری کردیئے گئیہیں، 1998 کے مقابلے میں ملکی آبادی میں 57 فیصد اضافہ ہوگیا، پاکستان کی مجموعی آبادی 20 کروڑ 77 لاکھ 74 ہزار سے زیادہ ہے۔گزشتہ 19 سال میں پاکستان کی آبادی میں 7 کروڑ 54 لاکھ 22 ہزار 241 افراد کا اضافہ ہوا، سالانہ بنیاد پر ملکی آبادی 2.40 فیصد کی شرح سے بڑھ رہی ہے۔پاکستان کی شہری آبادی کی تعداد 7 کروڑ 55 لاکھ 84 ہزار 989 اور دیہی آبادی کی تعداد 13 کروڑ 21 لاکھ 89 ہزار 531 ہے، شہری آبادی میں 36.38 فیصد اضافہ ہوا۔ادارہ شماریات کے مطابق پاکستان میں مردوں کی آبادی 10 کروڑ 64 لاکھ 49 ہزار 322 ہے، خواتین کی آبادی 10 کروڑ 13 لاکھ 14 ہزار 780 ہے جبکہ پاکستان میں خواجہ سراؤں کی تعداد 10 ہزار 418 ہے۔ پاکستان میں ہر 100 خواتین کے مقابلے میں مردوں کی تعداد 105 ہے۔پنجاب کی آبادی 3 کروڑ 63 لاکھ 91 ہزار اضافے کے ساتھ 11 کروڑ سے تجاوز کر گئی ہے، خیبرپختوانخوا کی آبادی 1 کروڑ 27 لاکھ 79 ہزار اضافے کے ساتھ 3 کروڑ 5 لاکھ سے زیادہ ہوگئی ہے۔سندھ کی آبادی میں 1998 کی مردم شماری کے مقابلے میں 1 کروڑ 74 لاکھ 48 ہزار اضافہ ہوا۔۔ جس کے بعد سندھ کی آباد بڑھ کر 4 کروڑ 78 لاکھ سے تجاوز کرگئی، سندھ پاکستان کا سب سے زیادہ شہری آبادی والا صوبہ بن گیا ہے۔ جہاں 52 فیصد آبادی شہروں میں مقیم ہے۔نئی مردم شماری میں بلوچستان کی آبادی میں 57 لاکھ 78 ہزار 523 نفوس کااضافہ ہوا ہے اور یہ آبادی بڑھ کر ایک کروڑ 23 لاکھ 44 ہزار سے تجاوز کرگیا ہے۔گزشتہ 19 برس میں شہراقتدار کی آبادی می 12 لاکھ سے زیادہ افراد کا اضافہ ہوا ہے، اسلام آباد کی آبادی 20لاکھ سے تجاوز کر گئی ہے، حیران کن طور پر وفاقی دارلحکومت کی شہری آبادی میں کمی جبکہ دیہی آبادی بڑھ گئی ہے،اسلام آباد کی شہری آبادی 65.72 فیصد سے کم ہوکر 50.58 فیصد رہ گئی ہے، ابتدائی نتائج کے مطابق فاٹا کی آبادی 50 لاکھ سے زیادہ ہے۔پاکستان میں گھرانوں کی تعداد 3 کروڑ 22 لاکھ 5 ہزار سے زیادہ ہے، دیہی علاقوں میں 2 کروڑ 12 ہزار 797 جبکہ شہری علاقوں میں 1 کروڑ 21 لاکھ 92 ہزار 314 گھرانے آباد ہیں۔
تازہ ترین
- ہومڈسٹرکٹ پولیس آفیسر لوئر افتخار شاہ کے زیر نگرانی منشیات فروشوں کے خلاف کاروائیوں کا سلسلہ جاری ہے۔
- ہومہزاروں سال قدیم کالاش تہوار “چلم جوشٹ ” پورے جوش و خروش کے ساتھ وادی رمبور کے معروف ڈانسنگ پلیس (چھارسو) گروم میں شروع ہوا۔
- کھیل*چیف سیکرٹری خیبرپختونخوا ندیم اسلم چوہدری کی زیر صدارت شندور پولو فیسٹیول کے انتظامات کے حوالے سے اجلاس کا انعقاد*
- ہوملوئر چترال میں 9 مئی کے حوالے سے ایک ریلی نکالی گئی
- مضامینداد بیداد۔۔۔ڈاکٹر عنا یت اللہ فیضی۔۔۔۔شراکت داری اور تر قی
- ہومپولیس اسٹیشن دروش کی کامیاب کاروائی 11 کلو سے زائد چرس برآمد
- مضامینداد بیداد۔۔ڈاکٹر عنا یت اللہ فیضی ۔۔۔پرستان قبل از اسلا م
- تعلیمیونیورسٹی آف چترال کی طرف سے بی ایس پروگرام کی فیسوں میں 57فیصد اضافے کے خلاف طلباء وطالبات سراپا احتجاج بن کر اسے انتہائی ظالمانہ قرار دیتے ہوئے صوبائی حکومت سے پرزور مطالبہ کیا ہے کہ چترال میں غربت اور بے روزگاری کو مدنظر رکھتے ہوئے اس فیصلے کو فوری طور پر واپس لیا جائے
- ہوممادری زبانوں کے تحفظ اور ترقی کیلئے کام کرنے والا ادارہ فورم فار لینگویج انشیٹیوز کے زیر انتظام چترال میں ایک کثیراللسانی مہرکہ منعقد ہوا۔
- مضامینداد بیداد ۔۔۔ڈاکٹر عنا یت اللہ فیضی۔۔ما ضی کا پشاور