چترال (نمائندہ چترال میل) اسسٹنٹ کمشنر چترال عبدالاکرم خان نے کہا ہے کہ چترال کے شہید ڈی سی اسامہ احمد وڑائچ کے نا م پر قائم اسامہ شہید اکیڈیمی چترال علاقے میں طلباء وطالبات کی بہتر رہنمائی اور ان کی مناسب کیریر کونسلنگ کے ذریعے اس پسماندہ علاقے میں نئی نسل کو وقت کی ضرورت سے ہم آہنگ کرنے اور ان کومقابلے کے دوڑ میں ترقی یافتہ علاقوں کے برابر لانے میں کوشان ہے اور خلوص نیت کی بنیاد پر قائم یہ ادارہ قابل قدر خدمت انجام دے گا۔ جمعرات کے روز اپنے دفتر میں اسامہ شہید اکیڈیمی کی بورڈ آف ڈائرکٹر ز کی افتتاحی اجلاس کی صدارت کرتے ہوئے کہاکہ ایک سال سے قلیل عرصے میں اس ادارے نے نمایان کامیابی حاصل کی ہے اور اب اسے ایک مستقل ادارے کے طور پر قائم کرنے کی ضرورت ہے۔ اس موقع پر پروفیشنل کالجوں میں داخلوں کے لئے کوچنگ کے ساتھ ساتھ انگلش لینگویج کورس، ملٹری کالجوں میں داخلوں کے لئے رہنمائی اور کوچنگ، جماعت ہائے نہم سے لے کر سیکنڈ ائر تک طلباء وطالبات کے لئے کوچنگ، ملک کے مختلف نمایان یونیورسٹیوں میں داخلوں کے لئے رہنمائی اور کوچنگ کے لئے کلاسز شروع کرنے کا فیصلہ ہوا جس کے تفصیلات اگلے اجلاس میں طے ہوں گے۔ سرکاری ملازمت کے حصول کے لئے ڈیمانڈ کے پیش نظر ڈی۔ آئی۔ ٹی کلاسز شروع کرنے پر بھی غور کیا گیا۔ اس موقع پر بتایاکہ اس اکیڈیمی سے فارغ ایک طالبہ عطیہ کریم نے انجینئرنگ یونیورسٹی میں داخلے کیلئے ایڈمشن ٹیسٹ میں کامیابی حاصل کی ہے۔ اجلاس میں بورڈ کے ممبران ایڈیشنل اے سی رخسانہ جبین، پرنسپل گورنمنٹ گرلز کالج چترال مسرت جبین، صدر چترال پریس کلب ظہیرالدین، اے ڈی او ایجوکیشن (مردانہ) شہزاد ندیم، تنزیل الرحمن، عطا حسین اطہر، فداء الرحمن اور دوسرے موجود تھے۔
تازہ ترین
- کھیل*چیف سیکرٹری خیبرپختونخوا ندیم اسلم چوہدری کی زیر صدارت شندور پولو فیسٹیول کے انتظامات کے حوالے سے اجلاس کا انعقاد*
- ہوملوئر چترال میں 9 مئی کے حوالے سے ایک ریلی نکالی گئی
- مضامینداد بیداد۔۔۔ڈاکٹر عنا یت اللہ فیضی۔۔۔۔شراکت داری اور تر قی
- ہومپولیس اسٹیشن دروش کی کامیاب کاروائی 11 کلو سے زائد چرس برآمد
- مضامینداد بیداد۔۔ڈاکٹر عنا یت اللہ فیضی ۔۔۔پرستان قبل از اسلا م
- تعلیمیونیورسٹی آف چترال کی طرف سے بی ایس پروگرام کی فیسوں میں 57فیصد اضافے کے خلاف طلباء وطالبات سراپا احتجاج بن کر اسے انتہائی ظالمانہ قرار دیتے ہوئے صوبائی حکومت سے پرزور مطالبہ کیا ہے کہ چترال میں غربت اور بے روزگاری کو مدنظر رکھتے ہوئے اس فیصلے کو فوری طور پر واپس لیا جائے
- ہوممادری زبانوں کے تحفظ اور ترقی کیلئے کام کرنے والا ادارہ فورم فار لینگویج انشیٹیوز کے زیر انتظام چترال میں ایک کثیراللسانی مہرکہ منعقد ہوا۔
- مضامینداد بیداد ۔۔۔ڈاکٹر عنا یت اللہ فیضی۔۔ما ضی کا پشاور
- مضامینداد بیداد۔۔۔ڈاکٹر عنا یت اللہ فیضی ۔۔۔تبدیلیوں پر پا بندی
- کھیلاپر چترال میں جشن کا غ لشٹ آج جمعرات کے روز شروع ہوگئی