چترال (نما یندہ چترال میل) امیر جماعت اسلامی ضلع چترال مولانا جمشید احمد نے ایک اخباری بیان میں کہا ہے کہ چترال کے مقامی اخبارات اور سوشل میڈیا میں جماعت اسلامی چترال کے اراکین کے مستعفی ہونے کی خبر بے بنیاد اور من گھڑت ہیں اور پارٹی کے چاروں افراد نے نہ صرف اس خبر کی سختی سے تردید کی ہے بلکہ انکوائری کے ذریعے اس من گھڑت خبر کو اخبارات کی زینت بنانے والے کے خلاف قانونی کارروائی کرنے کا بھی مطالبہ کیا ہے۔انہوں نے کہاکہ ہم اس خبر کو کسی مخالف کی شرانگیزی اور شرارت سمجھتے ہوئے پرزور مذمت کرتے ہیں۔ انہوں نے کہاکہ 2018 ء کے الیکشن کے حوالے سے جماعت اسلامی کی طرف سے امیدواروں کی نامزدگی کا اعلان ہوتے ہی مخالفین اوچھے ہتھکنڈوں پر اتر آئیے ہیں اور ایک منصوبہ کے تحت جماعت اسلامی کے اندر اختلاف پیدا کرکے اپنے مذموم مقاصد کے حصول کی کوشش کررہے ہیں۔ پریس ریلیز میں مزید کہا گیا ہے کہ کسی رکن کی طرف سے جماعتی فیصلے سے عدم اتفاق ایک فطری اور جمہوری بات ہے، اور جماعت اسلامی اپنے ارکان کو سب سے بڑھ کر یہ آزادی دیتی ہے کہ وہ جملہ معاملات میں کھل کر اپنی رائے کا اظہار کریں کیونکہ جماعت اسلامی مربوط نظم اور منظم دستور کی حامل جماعت ہے جہاں جملہ فیصلہ جات باہمی مشاورت سے طے پاتے ہیں اور ہر فیصلہ کثرت رائے کی بنیاد پر ہوا کرتا ہے۔ مولانا جمشید احمد نے کہاکہ جماعت اسلامی کو اس قسم کے ہتھکنڈوں کے ذریعے کمزور کرنے والے یہ خواہش اپنے دل سے نکال دیں کہ وہ اس قسم کی حرکتوں کے ذریعے اپنے مقاصد میں کامیاب ہوں گے اور ہمیں اپنے کارکنان پر یہ اعتماد حاصل ہے کہ وہ اللہ تعالی کے فضل کرم اور خاص مدد سے 2018 ء کے الیکشن میں فتح کا سہرا اپنے سر سجائیں گے۔
تازہ ترین
- کھیل*چیف سیکرٹری خیبرپختونخوا ندیم اسلم چوہدری کی زیر صدارت شندور پولو فیسٹیول کے انتظامات کے حوالے سے اجلاس کا انعقاد*
- ہوملوئر چترال میں 9 مئی کے حوالے سے ایک ریلی نکالی گئی
- مضامینداد بیداد۔۔۔ڈاکٹر عنا یت اللہ فیضی۔۔۔۔شراکت داری اور تر قی
- ہومپولیس اسٹیشن دروش کی کامیاب کاروائی 11 کلو سے زائد چرس برآمد
- مضامینداد بیداد۔۔ڈاکٹر عنا یت اللہ فیضی ۔۔۔پرستان قبل از اسلا م
- تعلیمیونیورسٹی آف چترال کی طرف سے بی ایس پروگرام کی فیسوں میں 57فیصد اضافے کے خلاف طلباء وطالبات سراپا احتجاج بن کر اسے انتہائی ظالمانہ قرار دیتے ہوئے صوبائی حکومت سے پرزور مطالبہ کیا ہے کہ چترال میں غربت اور بے روزگاری کو مدنظر رکھتے ہوئے اس فیصلے کو فوری طور پر واپس لیا جائے
- ہوممادری زبانوں کے تحفظ اور ترقی کیلئے کام کرنے والا ادارہ فورم فار لینگویج انشیٹیوز کے زیر انتظام چترال میں ایک کثیراللسانی مہرکہ منعقد ہوا۔
- مضامینداد بیداد ۔۔۔ڈاکٹر عنا یت اللہ فیضی۔۔ما ضی کا پشاور
- مضامینداد بیداد۔۔۔ڈاکٹر عنا یت اللہ فیضی ۔۔۔تبدیلیوں پر پا بندی
- کھیلاپر چترال میں جشن کا غ لشٹ آج جمعرات کے روز شروع ہوگئی