چترال (نمائندہ چترال میل) ممبر تحصیل کونسل چترال و رہنما پاکستان تحریک انصاف حاجی سلطان محمد او ر ممبر تحصیل کونسل محمد علی شاہ نے کہا ہے۔ کہ جو لوگ اپنے سیاسی مفادات کیلئے تحریک انصاف کے ممبران کو استعمال کرنا چاہتے ہیں۔ وہ اپنے مقاصد میں کسی صورت کامیاب نہیں ہوں گے۔ اپنے ایک اخباری بیان میں انہوں نے کہا۔ کہ تحریک انصاف ایک اصولی پارٹی ہے اور اس کے ممبران کسی بھی صورت دوسروں کے آلہ کار نہیں بنیں گے۔ انہوں نے کہا۔ کہ گذشتہ الیکشن میں دو سیاسی جماعتوں نے اسلام کے نام پر اپنے مفادات کے حصول کیلئے نام نہاد اتحاد بنایا۔ اور اُس اتحاد کی بنیاد پر تحصیل اور ضلع کی سطح پر حکومت تشکیل دی گئی۔ اور تحریک انصاف نے جمہوری اصولوں کی پاسداری کرتے ہوئے اُن کی حکومت کو قبول کیا۔ لیکن افسوس کا مقام ہے۔ کہ اتحاد کی مثال قائم کرنے کے دعویدار اب ایک دوسرے کی ٹانگیں کھینچنے اور اتحاد میں دراڑیں پیدا کرنے میں کوئی کسر نہیں چھوڑ رہے ہیں۔ اور ایک دوسرے کے خلاف سازشیں کی جارہی ہیں۔ جس میں بے بنیاد طور پر تحریک انصاف کے ممبران کے تعاون سے تحصیل ناظم چترال کے خلاف عدم اعتماد کا شوشہ چھوڑا جا رہا ہے۔ اور تحریک انصاف کو اس تنازعے میں گھسیٹنے کی کوشش کی جارہی ہے۔ انہوں نے کہا۔ کہ ایسا سوچ رکھنے والوں کو منہ کی کھانی پڑے گی۔ اور تحریک انصاف اس قسم کے منفی سوچ رکھنے والوں کی سازش کا حصہ نہیں بنے گا۔ انہوں نے کہا، کہ ہم نظام کو آگے بڑھانے میں اپنا مثبت کردار ادا کریں گے۔ اور سازشوں کو ناکام بناکر دم لیں گے۔ انہوں نے کہا۔ کہ اسلام کا نام لے کر اقتدار تک پہنچنے کے بعد ایک دوسرے کی ٹانگیں کھنچنا انتہائی شرم کی بات ہے۔ اس سے عوام کے سامنے مذہب کے دعویداروں کی قلعی کُھل کر سامنے آگئی ہے۔ تاہم تحریک انصاف نظام جاری رکھنے میں اپنا کردار ادا کرتی رہے گی۔ اور تحصیل ناظم چترال مولانا محمد الیاس کے خلاف کسی بھی اقدام کی بھر پور مخالفت کرے گا۔
تازہ ترین
- مضامینداد بیداد۔۔۔ڈاکٹر عنا یت اللہ فیضی ۔۔۔تبدیلیوں پر پا بندی
- کھیلاپر چترال میں جشن کا غ لشٹ آج جمعرات کے روز شروع ہوگئی
- مضامیندھڑکنوں کی زبان۔۔۔۔محمد جاوید حیات۔۔۔۔۔۔۔۔”ہمارے ہاں خدمت کا صلہ“۔۔۔۔
- مضامینداد بیداد ۔۔۔۔ڈاکٹر عنا یت اللہ فیضی۔۔۔۔مزدوروں کا دن
- ہومتھانہ ایون کی حدود میں لویر چترال پولیس نے منشیات کے خلاف کریک ڈاون کے دوران کالاش وادی رمبور میں کالاش قبیلے سے تعلق رکھنے والے کرنل کے بیٹے میجر کو دیسی شراب کی بڑی مقداروادی سے چترال شہر ٹرانسپورٹ کرنے کی پاداش میں رنگے ہاتھوں گرفتارکرلیا۔
- مضامینداد بیداد۔۔۔۔ڈاکٹر عنا یت اللہ فیضی۔۔۔انسا نی حقوق کا آئینہ
- مضامیندھڑکنوں کی زبان۔۔۔۔۔محمد جاوید حیات۔۔۔۔۔”زندگی سے ڈرو“۔۔
- سیاستلویر چترال میں تحصیل چیرمین دروش کے الیکشن میں پی ٹی آئی کا حمایت یافتہ امیدوار سید فریدجان ایڈوکیٹ نے غیر حتمی اور غیر سرکاری نتائج کے مطابق کامیابی حاصل کی ہے۔
- مضامینداد بیداد۔۔ڈاکٹر عنا یت اللہ فیضی۔۔نظر آنے والے کام
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے