چترال (نمائندہ چترال میل) گذشتہ دو دنوں کی شدید گرمی کے سبب چترال کے بالائی علاقوں کے پہاڑوں پر موجود گلیشئر ز کے پگھلاؤ میں غیر معمولی اضافہ ہوا ہے۔ خصوصا دریائے چترال میں پانی کی سطح بہت بڑھ گئی ہے۔ جبکہ مقامی تجربے کے مطابق دریائے چترال کو اپنے عروج تک پہنچنے کیلئے اب بھی ایک مہینہ باقی ہے۔ پانی کی سطح میں اضافہ اور طغیانی سے دریا کے دونوں طرف کٹاؤ کی وجہ سے کئی علاقے بُری طرح متاثر ہو چکے ہیں، اور کٹاؤ کا سلسلہ بدستور جاری ہے ۔ چترال شہر کے مقام بلچ، ایون، جوٹی لشٹ، جنجریت، اور مستوج کے مقامات چپاڑی، چنار، سارغوز میں کٹاؤ سے زمینات کو شدید نقصان پہنچا ہے۔ اور زیادہ تر علاقوں میں رہائشی مکانات چھوڑ کر محفوظ مقامت کی طرف نقل مکانی کر رہے ہیں۔ ایون میں 2015میں آنے والے سیلاب نے علاقے کو ڈیم میں تبدیل کر دیا تھا۔ اس مصنو عی ڈیم کو ختم کرنے کیلئے گو کہ تقریبا ساڑھ ے چار کروڑ روپے محکمہ ایریگیشن کے زیر انتظام خرچ کئے گئے۔ لیکن ڈیم کی ہییت میں اب بھی کوئی خاص تبدیلی نہیں آئی۔ اور لوگوں کے مکانات اس بار بھی ڈوبنے کا خدشہ ہے۔ چترال شہر کے چیو پُل کے قریب دریاء کنارے بلڈنگ تعمیر کرنے کی وجہ سے پانی کے بہاؤ میں واضح رکاؤٹ ہے۔ اور دریا کی نکاسی کا دھانہ کم ہونے کی وجہ سے پانی واپس ہو کر دائیں بائیں پھیل گیا ہے۔ اور وسیع علاقہ زیر آب آگیا ہے۔ ضلعی انتظامیہ کی نااہلی کے سبب لوگ دریا کا راستہ روک کر اُس کو تعمیر ات کیلئے استعمال کرتے ہیں۔ یا جنگل لگا کر پانی کے بہاؤ میں رکاوٹ پیدا کرتے ہیں۔جس کی وجہ سے زمینات کٹاؤ کا شکار ہوتے ہیں۔ چترال شہر اور اطراف میں مسلسل لوڈ شیڈنگ سے زندگی بُری طرح متاثر ہو چکی ہے۔ تاہم قدرتی برف کی وافر مقدار تریچ اور لواری پاس سے چترال شہر پہنچا کر فروخت کی جارہی ہے۔ اور یہی گرمی کا مقابلہ کرنے کیلئے واحد سہارا ہے۔ درین اثنا نیشنل ڈیزاسٹر منیجمنٹ نے مون سون کی ممکنہ بارشوں کی وجہ سے لوگوں کو الرٹ رہنے،اپنی گھروں کی چھتوں کو چیک کرنے، بجلی کی ننگی تاروں سے احتیاط کرنے اور اُنہیں مُرمت کرنے کی ہدایت کی ہے۔
تازہ ترین
- ہومانتقال پرملال۔۔مفتاح الدین (المفتاح مڈیسن اسٹور اتالیق بازار چترال)ساکن زرگراندہ طویل علالت کے بعد انتقال کرگئے
- ہومڈھائی ہزار سال قدیم کالاش فیسٹول جو شی (چلم جوشٹ) ڈھول کی تھاپ پر نوجوان مردو خواتین کی گلے میں باہیں ڈال کر رقص،سریلی گیتوں اور اپنی رنگینیوں کے ساتھ کالاش ویلی بمبوریت کے مرکزی مقام بتریک میں اختتام پذیر ہوا
- ہومڈی۔پی۔او آفس بلچ لوئر چترال میں ہفتہ وار اردلی روم کا انعقاد کیا گیا۔
- ہومڈسٹرکٹ پولیس آفیسر لوئر افتخار شاہ کے زیر نگرانی منشیات فروشوں کے خلاف کاروائیوں کا سلسلہ جاری ہے۔
- ہومہزاروں سال قدیم کالاش تہوار “چلم جوشٹ ” پورے جوش و خروش کے ساتھ وادی رمبور کے معروف ڈانسنگ پلیس (چھارسو) گروم میں شروع ہوا۔
- کھیل*چیف سیکرٹری خیبرپختونخوا ندیم اسلم چوہدری کی زیر صدارت شندور پولو فیسٹیول کے انتظامات کے حوالے سے اجلاس کا انعقاد*
- ہوملوئر چترال میں 9 مئی کے حوالے سے ایک ریلی نکالی گئی
- مضامینداد بیداد۔۔۔ڈاکٹر عنا یت اللہ فیضی۔۔۔۔شراکت داری اور تر قی
- ہومپولیس اسٹیشن دروش کی کامیاب کاروائی 11 کلو سے زائد چرس برآمد
- مضامینداد بیداد۔۔ڈاکٹر عنا یت اللہ فیضی ۔۔۔پرستان قبل از اسلا م