چترال(نمائندہ چترال میل)اسیران ختم نبوت نے ایک بیان میں کمانڈنٹ چترال سکاؤٹس کرنل نظام الدین شاہ کی عوامی خدمات کو خراج تحسین پیش کیا ہے۔اخباری بیان میں شبیر احمد،فخراعظم اور اکرام لال نے کہا ہے کہ چترال میں 21اپریل کے ناخوشگوار واقعے کے دوران کرنل نظام الدین شاہ نے امن وامان کو برقرار رکھنے میں مثالی کردار ادا کیا۔ان کی بے مثال کارکردگی کی وجہ سے چترال میں امن بحال ہوا۔اسیران ختم نبوت میں سے اکثر قیدیوں کو چترال جیل سے رہائی ملی۔ڈی آئی خان منتقل کئے گئے قیدیوں کو قانونی تحفظ ملا اور ختم نبوت وناموس رسالت کا علم بلند کرنے والوں کو سرخروئی ملی۔