پشاور (نمائندہ چترال میل)وزیراعلیٰ پرویز خٹک نے کہا ہے کہ صوبے کے تمام سرکاری کنٹریکٹ ملازمین کو مستقل کرنے کے علاوہ پہلے سے موجود ملازمین کو اپ گریڈ کیا جائے گا جن میں پولیس اور دیگر محکموں کے تمام ملازمین شامل ہیں 70سال سے بے ہنگم چلنے والے فرسودہ نظام کے رخ کا تعین کرکے اسے پٹڑ ی پر ڈال دیا ہے اور پولیس سمیت تمام اداروں کو سیاسی مداخلت سے پاک کرکے عوامی مفادات کے تابع بنا دیا ہے اور ان میں اصلاحات کا نظام بھی وضع کیا ہے خیبر پختونخوا اسمبلی میں بجٹ اجلاس پر بحث کو سمیٹتے ہوئے وزیراعلیٰ پرویز خٹک نے کہا کہ نظام میں تبدیلی کیلئے صحت اور تعلیم کو ترجیحی بنیادوں پر لیا قیام امن کو ممکن بناتے ہوئے صوبے کو ترقی کی راہ پر ڈال دیا جہاں پر بیرونی سرمایہ کار سرمایہ کاری کیلئے آتے ہیں سیاسی مفادات سے بالا تر ہوکر ادارے بنائے اور حکومت پر بوجھ کم کرنے کیلئے سرکاری اداروں کے اتھارٹیز،، کمپنیز اور بورڈز بنائے جو جلد فیصلے کرکے عوامی مفاد میں کام کرتے ہیں۔ ہم نے وہ کام بھی کئے جو ماضی کی اسلامی جماعتوں کی حکومت بھی نہ کر سکی۔ پانچویں جماعت تک ناظرہ اور بارہویں تک ترجمہ قرآن کو لازمی قرار دیا نجی سود اور جہیز پر پابندی کیلئے قانون وضع کئے، نصاب سے دین کیخلاف مواد کو حذف کیا۔وزیراعلیٰ نے کہاکہ تعلیمی اداروں میں ماضی کے برعکس اساتذہ کی ٹرانسفر پوسٹینگ پر پابندی لگا دی نیز 45ہزار اساتذہ بھرتی کئے اور 10ہزارسے زائد مزید بھرتی کرینگے طبقاتی نظام کا خاتمہ کرکے انگریزی زبان میں یکساں نظام تعلیم نافذ کیا وزیراعلیٰ نے کہا کہ ہم نے ڈاکٹروں کی تنخواہوں میں دگنا اور تین گنا اضافہ کیا اور اس وقت صوبے میں ڈاکٹرز اور نرسز اور پیرا میڈیکس کی تعداد پوری کردی گئی ہے صحت انصاف کارڈ کے ذریعے 24لاکھ افراد کو علاج معالجے کی سہولت فراہم کررہے ہیں۔پچھلے سال یہ کارڈ تقریباً50 فیصد آبادی کو مہیا کئے گئے جبکہ نئے مالی سال میں 69 فیصد آبادی کا احاطہ کیا جارہا ہے۔ بڑے ہسپتالوں کے بعد ضلعی ہسپتالوں کو خود مختاری دے رہے ہیں توانائی کے شعبوں میں چار ہزار پانچ سو میگا واٹ کے منصوبوں پر کام ہورہا ہے جس سے صوبے کو اربوں کی سالانہ آمدنی حاصل ہوگی اقتصادی راہداری کی مد میں شروع کردہ منصوبوں میں سے صوبے میں دو ہزار چار سو ارب سے زائد کی سرمایہ کاری ہورہی ہے دو لاکھ کنال پر مشتمل دو نئے شہر بنائے جارہے ہیں روزگار کی فراہمی کو یقینی بنانے کیلئے چالیس ہزار کنال پر مشتمل انڈسٹریل پارک بنا رہے ہیں چار سالوں کے دوران بلدیاتی نظام کو قائم کرکے انہیں وزیروں اور مشیروں سے زیادہ اختیارات دیئے سیاحت کے حوالے سے نتھیا گلی روڈ پر ڈیڑھ ارب اور کالام میں ستر کروڑ کی لاگت سے منصوبے مکمل کئے جارہے ہیں اسی طرح بلین ٹری سونامی منصوبوں کے ذریعے اتنے درخت لگائے گئے جو گزشتہ ستر سالوں میں لگائے گئے درختوں سے زیادہ ہیں انہوں نے کہا کہ پولیس کے نظام میں سیاسی مداخلت کا خاتمہ کرکے پولیس ایکٹ کو ایوان سے پاس کیا دوسرے صوبوں میں کوئی بھی حکومت اس حوالے سے کام نہ کرسکی صوبے میں صنعتی پالیسی کا اعلان کرکے حطار انڈسٹریل اسٹیٹ کے اضافی زون پر کام ہورہا ہے 17 نئے انڈسٹریل اسٹیٹ بھی بنائے جارہے ہیں سی پیک کے منصوبوں کی تکمیل پر کام تیز کرنے کے علاوہ معدنیات کی 13کانیں لیز پر دی گئیں 9سیمنٹ کے کارخانے اس سال صوبے میں کام شروع کرینگے انہوں نے کہا کہ ہم نے وفاق کے اٹھارہ ارب روپے کا قرضہ اُتارا۔ پن بجلی کے چھ ارب روپے کی منجمد رقم کو اٹھارہ ارب تک لے آئے۔ اب اے جی این قاضی فارمولے کے تحت اپنے حقوق کی جنگ لڑینگے وزیراعلیٰ نے اعلان کیا کہ صوبے کے تمام کنٹریکٹ ملازمین کو مستقل کیا جائے گا اور پہلے سے موجود پولیس، صحت دیگر شعبوں کے سرکاری ملازمین کو اپ گریڈ کیا جائیگا۔
تازہ ترین
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے
- ہومڈپٹی کمشنر اپر چترال محمد عرفان الدین کے دفتر میں مختلف آفات کے سبب فوت ہونے والوں کے لواحقین میں امدادی چیک تقسیم کئے گئے
- ہوملویر چترال میں حفاظتی ٹیکے کا عالمی ہفتے کا آغاز آگہی واک سے کردیا گیا
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما
- سیاستتحصیل کونسل چترال کے اجلاس میں ضلعی انتظامیہ کی طرف سے حالیہ بارشوں کے نتیجے میں ہونے والے نقصانات کی اسیسمنٹ کی تاریخ میں کم ازکم دس دن کی توسیع کا مطالبہ کرتے ہوئے موجودہ طریقہ کار پر بھی عدم اطمینان کا اظہا رکیا گیا
- ہومترال شہر اور مضافات کے سینکڑوں تندورمالکان نے حکومت سے پرزور مطالبہ کیا ہے کہ چترال کی علاقائی مشکلات اورحالات کو پیش نظر رکھ کر روٹی کا پرانا نرخ بحال کردے
- Uncategorizedداد بیداد۔۔۔ڈاکٹر عنا یت اللہ فیضی۔۔۔چارویلو رحمت ولی خان مر حوم
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ