چترال (نمائندہ چترال میل) چترال کے تمام چوبیس یونین کونسلوں میں چار روزہ این آئی ڈی مہم شروع ہوگئی جس ٍمیں 68ہزار 850کم عمر بچوں کو پولیو قطرے اور وٹامن اے کیپسول کھلائے جائیں گے۔ جمعہ کے روز ویمن اینڈ چلڈرن ہسپتال میں منعقدہ ایک تقریب میں ڈسٹرکٹ ہیلتھ افیسر ڈاکٹر نورالاسلام اور یونیسیف پروگرام ہیلتھ اینڈ نیوٹریشن افیسر ڈاکٹر انعام اور ڈسٹرکٹ کوارڈینیٹر ای پی آئی ڈاکٹر ارشاد احمد نے ایک ایک بچے کو پولیو قطرے اور وٹامن کیپسول کھلا کر مہم کا باقاعدہ آغاز کردیا۔اس موقع پر ڈاکٹر نورالاسلام نے کہاکہ این آئی ڈی مہم کو سوفیصد کامیابی سے ہمکنار کرکے سوفیصد ٹارگٹ تک پہنچنے کے لئے تمام انتظامات مکمل کرلئے گئے ہیں اور فیلڈ اسٹاف کی طرف سے معمولی درجے پر کوتاہی کو بھی برداشت نہیں کیا جائے گا۔ انہوں نے تمام اسٹاف کو مزید ہدایت جاری کرتے ہوئے کہاکہ وہ اپنے متعین ڈیوٹی کے علاقوں میں نہ صرف ٹارگٹ تک پہنچنے کی کوشش کریں بلکہ مہم کے آخر میں دوبارہ اس بات کو یقینی بنائیں کہ ان کے علاقے میں ایک بچہ بھی کسی وجہ سے پولیو کے قطرے اور وٹامن کیپسول سے نہ رہ گئے ہوں۔ڈاکٹر ارشاد احمدنے بتایاکہ مہم کے لئے 399موبائل ٹیم، 15ٹرانزٹ ٹیم ا ور 35فکسڈ مقامات پر ٹیمیں دستیاب کئے گئے ہیں جبکہ مانیٹرنگ کے لئے 105ایریا انچارج اور ہر یونین کونسل میں ایک یو سی ایم اوز مقرر کئے گئے ہیں۔ کم عمر کے بچوں اور بچیوں کے لئے وٹامن اے کی اہمیت بیان کرتے ہوئے ڈسٹرکٹ چائلڈ اسپیشلسٹ ڈاکٹر گلزار احمد نے کہاکہ یہ مدافعتی نظام کی بہتری، جلد کی صحت، جسمانی نشونما، نظام ہائے تنفس اور انہظام کی درستگی کے لئے ناگزیر ہے۔ ڈسٹرکٹ ہیڈ کوارٹرز ہسپتال کے قائمقام میڈیکل سپرنٹنڈنٹ ڈاکٹر فیض الاعظم، کوارڈینیٹر فیملی ہیلتھ پروگرام ڈاکٹر رحمت امان بھی اس موقع پر موجود تھے۔
تازہ ترین
- مضامینداد بیداد ۔۔۔۔ڈاکٹر عنا یت اللہ فیضی۔۔۔۔مزدوروں کا دن
- ہومتھانہ ایون کی حدود میں لویر چترال پولیس نے منشیات کے خلاف کریک ڈاون کے دوران کالاش وادی رمبور میں کالاش قبیلے سے تعلق رکھنے والے کرنل کے بیٹے میجر کو دیسی شراب کی بڑی مقداروادی سے چترال شہر ٹرانسپورٹ کرنے کی پاداش میں رنگے ہاتھوں گرفتارکرلیا۔
- مضامینداد بیداد۔۔۔۔ڈاکٹر عنا یت اللہ فیضی۔۔۔انسا نی حقوق کا آئینہ
- مضامیندھڑکنوں کی زبان۔۔۔۔۔محمد جاوید حیات۔۔۔۔۔”زندگی سے ڈرو“۔۔
- سیاستلویر چترال میں تحصیل چیرمین دروش کے الیکشن میں پی ٹی آئی کا حمایت یافتہ امیدوار سید فریدجان ایڈوکیٹ نے غیر حتمی اور غیر سرکاری نتائج کے مطابق کامیابی حاصل کی ہے۔
- مضامینداد بیداد۔۔ڈاکٹر عنا یت اللہ فیضی۔۔نظر آنے والے کام
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے
- ہومڈپٹی کمشنر اپر چترال محمد عرفان الدین کے دفتر میں مختلف آفات کے سبب فوت ہونے والوں کے لواحقین میں امدادی چیک تقسیم کئے گئے
- ہوملویر چترال میں حفاظتی ٹیکے کا عالمی ہفتے کا آغاز آگہی واک سے کردیا گیا
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما