چترال (نمائندہ چترال میل) دروش سے اے این پی کے رہنما قاری نظام الدین نے گورنمنٹ گرلز کالج دروش کی زیر تعمیر عمارت میں بے قاعدگیوں کی انسداد کے لئے حکومت سے پرزور مطالبہ کرتے ہوئے کہا ہے کہ اپنی نوعیت کی اس اہم ترین عمارت میں بدعنوانی کو کسی بھی صورت برداشت نہیں کیا جائے گا جس کے خلاف دروش سڑکوں پر نکل آئیں گے۔ ایک اخباری بیان میں انہوں نے کہا ہے کہ دوسال قبل زلزلے میں زیر تعمیر عمارت کو جو نقصان لاحق ہوا تھا، اس کی مکمل بحالی کے بجائے صرف دیواروں کی پلستر کرکے عوام کو ٹرخانے کی کوشش کی گئی۔ا نہوں نے اس امر پر افسوس کا اظہار کیا ہے کہ پی ٹی آئی کے بعض لیڈر بشمول ضلعی صدر عبداللطیف ٹھیکہ داروں اور محکمے کی پشت پناہی کررہے ہیں جوکہ افسوسناک بات ہے کیونکہ ایک طرف پی ٹی آئی حکومت کرپشن کی بیخ کنی کا دعویدار ہے تو دوسری طرف ایسے گھناونے کاموں میں ان کے لیڈر ملوث ہیں۔ انہوں نے صوبائی حکومت کے لئے دروش کالج کی عمارت کو ایک ٹیسٹ کیس قرار دیتے ہوئے کہاکہ اگر اس پارٹی کی اعلیٰ قیادت مخلص ہے تو اس بے قاعدگی کی فوری طور پر تحقیقات کرائی جائے۔ قاری نظام الدین نے کہا کہ اس بے قاعدگی کے خلاف تشکیل کردہ ایکشن کمیٹی نے اس سے قبل بھی بار بار حکومت کے نوٹس میں لانے کے باوجود کوئی کاروائی نہیں ہوئی۔ انہوں نے تنبیہ کرتے ہوئے کہاکہ اگر اس پر مزید کاروائی نہیں ہوئی تو ایکشن کمیٹی راست قدم اٹھانے پر مجبور ہوگی۔
تازہ ترین
- مضامینداد بیداد۔۔۔ڈاکٹر عنا یت اللہ فیضی ۔۔۔تبدیلیوں پر پا بندی
- کھیلاپر چترال میں جشن کا غ لشٹ آج جمعرات کے روز شروع ہوگئی
- مضامیندھڑکنوں کی زبان۔۔۔۔محمد جاوید حیات۔۔۔۔۔۔۔۔”ہمارے ہاں خدمت کا صلہ“۔۔۔۔
- مضامینداد بیداد ۔۔۔۔ڈاکٹر عنا یت اللہ فیضی۔۔۔۔مزدوروں کا دن
- ہومتھانہ ایون کی حدود میں لویر چترال پولیس نے منشیات کے خلاف کریک ڈاون کے دوران کالاش وادی رمبور میں کالاش قبیلے سے تعلق رکھنے والے کرنل کے بیٹے میجر کو دیسی شراب کی بڑی مقداروادی سے چترال شہر ٹرانسپورٹ کرنے کی پاداش میں رنگے ہاتھوں گرفتارکرلیا۔
- مضامینداد بیداد۔۔۔۔ڈاکٹر عنا یت اللہ فیضی۔۔۔انسا نی حقوق کا آئینہ
- مضامیندھڑکنوں کی زبان۔۔۔۔۔محمد جاوید حیات۔۔۔۔۔”زندگی سے ڈرو“۔۔
- سیاستلویر چترال میں تحصیل چیرمین دروش کے الیکشن میں پی ٹی آئی کا حمایت یافتہ امیدوار سید فریدجان ایڈوکیٹ نے غیر حتمی اور غیر سرکاری نتائج کے مطابق کامیابی حاصل کی ہے۔
- مضامینداد بیداد۔۔ڈاکٹر عنا یت اللہ فیضی۔۔نظر آنے والے کام
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے