چترال (نما یندہ چترال میل) پاک آرمی کے سوات ڈویژن کے جنرل افیسر کمانڈنگ میجر جنرل علی عامر اعوان کی ہدایت پر چترال کے دوردراز علاقوں سے تعلق رکھنے والے مختلف سکولوں میں زیر تعلیم تین ہزار کے لگ بھگ طلباء طالبات کو متوازن غذا کی فراہمی کا سلسلہ شروع کردیا گیا ہے جوکہ د وماہ تک جاری رہے گی جس کے دوران پاک فوج اور چترال سکاوٹس کی قریبی چھاونیوں سے روزانہ کی بنیاد پر ابلے ہوئے انڈے اور پراٹھے بچوں اور بچیوں میں تقسیم کئے جائیں گے۔ جن علاقوں میں یہ غذائی اشیاء تقسیم کئے جارہے ہیں،ان میں یارخون لشٹ، دوبارگر، پاؤر، ارندو، دامیل، لنگور بٹ، بریر، رمبور، بمبوریت، جنجریت کوہ، ارسون، ارسون گول، میر دین، گرم چشمہ، بروغل، شاہ سلیم، کشمانجا، بگوشٹ اور دوسرے پسماندہ علاقے شامل ہیں۔ منگل کے روز گورنمنٹ پرائمری سکول گہیریت میں منعقدہ ایک تقریب میں پاک آرمی کے لیفٹیننٹ کرنل عدنان شفیق نے بچوں اور بچیوں میں انڈے اور پراٹھے تقسیم کرکے مہم کا آغاز کردیا۔ اس موقع پر سکول کے ہیڈ ٹیچر شفیق الرحمن نے کہاکہ 1969ء میں قائم اس سکول میں صرف تین کلاس روم تھے جبکہ کلاسوں کی تعداد پانچ ہے جس کی کمی کو پورا کرنے کے لئے پاک آرمی کے سوات میں موجودہ جی۔او۔سی نے دو کلاس رومز تعمیر کرکے اس کمی کو پورا کردیا ہے جبکہ اس وقت سکول میں انرولمنٹ 208ہے۔ انہوں نے کہاکہ معیاری غذا کی کمی کو پوراکرنے میں انڈوں اور پراٹھوں کی تقسیم کا سلسلہ شروع کرنے کے بعد بچے اور بچیاں شوق وذوق سے سکول آرہے ہیں اور حاضری کی شرح میں کئی گنا اضافہ ہوگیا ہے۔ اس موقع پر سکول کے طالب علم عبدالرشید اور طالبات مسکان اور نادیہ گل نے پاک آرمی کی طرف سے انڈے اور پراٹھے تقسیم کرنے پر خوشی کا اظہار کرتے ہوئے کہااس عمل سے سکول کے تمام بچے اور بچیاں خوش ہیں۔ سکول میں زیر تعلیم ایک طالب علم کا باپ یورمس جلا ل نے بھی سکول میں کلاس روموں کی تعمیر اور غذائی اشیاء کی تقسیم کی تعریف کی اور پاک ارمی کی طرف سے اس اقدام کو سراہا ہے۔
تازہ ترین
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے
- ہومڈپٹی کمشنر اپر چترال محمد عرفان الدین کے دفتر میں مختلف آفات کے سبب فوت ہونے والوں کے لواحقین میں امدادی چیک تقسیم کئے گئے
- ہوملویر چترال میں حفاظتی ٹیکے کا عالمی ہفتے کا آغاز آگہی واک سے کردیا گیا
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما
- سیاستتحصیل کونسل چترال کے اجلاس میں ضلعی انتظامیہ کی طرف سے حالیہ بارشوں کے نتیجے میں ہونے والے نقصانات کی اسیسمنٹ کی تاریخ میں کم ازکم دس دن کی توسیع کا مطالبہ کرتے ہوئے موجودہ طریقہ کار پر بھی عدم اطمینان کا اظہا رکیا گیا
- ہومترال شہر اور مضافات کے سینکڑوں تندورمالکان نے حکومت سے پرزور مطالبہ کیا ہے کہ چترال کی علاقائی مشکلات اورحالات کو پیش نظر رکھ کر روٹی کا پرانا نرخ بحال کردے
- Uncategorizedداد بیداد۔۔۔ڈاکٹر عنا یت اللہ فیضی۔۔۔چارویلو رحمت ولی خان مر حوم
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ