پشاور (نما یندہ چترال میل)چیف جسٹس پشاور ہائی کورٹ پشاور نے ذکاء اللہ خٹک(پی سی ایس۔ای جی۔بی ایس۔19) کی تقرری بحیثیت ایڈیشنل رجسٹرار (ایڈمن) پشاور ہائی کورٹ پشاور کی ہے جبکہ انہیں ان کے چارج سنبھالنے سے ہی گریڈ 20پر رکھ دیا گیا ہے۔دریں اثناء چیف جسٹس پشاورہائی کورٹ پشاور نے پی اینڈ ڈی افسر عبدالحلیم بنگش (بی ایس۔18) کی تقرری بحیثیت ڈائریکٹر(پلاننگ اینڈ ڈیویلپمنٹ) پشاور ہائی کورٹ پشاورکر دی ہے جبکہ انہیں اپنا چارج سنبھالنے کی تاریخ سے گریڈ19بھی دے دیا گیا ہے۔اس کے علاوہ چیف جسٹس نے محمد سلیم خان(پی اے ایس۔بی ایس۔20) کی تقرری بحیثیت رجسٹرار پشاور ہائی کورٹ پشاورکر کے انہیں بھی اپناچارج سنبھالنے کی تاریخ سے گریڈ21 دے دیا گیا ہے۔ ان احکامات کااعلان پشاور ہائی کورٹ کے جاری کردہ تین الگ الگ اعلامیوں میں کیا گیا۔