پشاور (نما یندہ چترال میل) راولپنڈی آرٹس کونسل کی طرف سے گزشتہ رات راولپنڈی میں چترال کلچرل اینڈمیوزیکل نائٹ کا اہتمام کیا گیا۔اس موقع پرچترال سے منتخب ممبرقومی اسمبلی شہزادہ افتخارالدین نے پروگرام کی صدارت کی۔ اسٹیچ کے فرائض چترال کے ممتاز قانون دان محب اللہ تریچوی ایڈوکیٹ نے انجام دئے۔جبکہ خاص مہمان کی حیثیت سے مشیر وزیر اعظم انجینئر امیر مقام پروگرام میں شریک ہوئے ڈائریکٹر آرٹس کونسل اور مہتاب زیاب بھی اس موقع پرموجودتھے۔اس موقع پر خطاب کرتے ہوئے وزیراعظم کے مشیرانجینئرامیر مقام نے کہاکہ پاکستان مسلم لیگ(ن)کی حکومت میں چترال کاخطہ اور چترال کے عوام تاریکیوں سے روشنیوں اور پسماندگی سے ترقی کی جانب گامزن ہیں،امسال ہی 28ارب روپے کی لاگت سے لواری ٹنل کامنصوبہ پایہ تکمیل تک پہنچ جائیگا۔وہ راولپنڈی آرٹس کونسل کی طرف سے منعقدکئے گئے چترال کلچرل اینڈمیوزیکل نائٹ کے موقع پرشرکاء سے خطاب کر رہے تھے۔ انجینئر امیر مقام نے کہاکہ 108میگاواٹ بجلی پیداکرنے والا گولن گول ہائیڈروپاورپراجیکٹ کامنصوبہ بھی 2018میں مکمل ہوجائیگاجس سے چترال میں بجلی کی ضرورت پوری کی جائیگی،بمبوریت اورگرم چشمہ روڈکی منظوری دی جاچکی ہے،چکدرہ سے گلگت تک شاہراہ اقتصادی راہداری کاباقاعدہ حصہ بنادیاگیاہے جو150ارب روپے کی لاگت سے مکمل ہوگی اورملحقہ علاقوں کی بھی تقدیربدلنے کاذریعہ بن جائیگی۔ چترال کلچرل اینڈمیوزیکل نائٹ تقریب کے انعقادکوسراہتے ہوئے انجینئرامیرمقام نے کہاکہ چترال ایک قدیم تہذیب کاخطہ ہے،اس قسم کی تقاریب کے انعقادسے نہ صرف چترال کاکلچرزندہ رہتاہے بلکہ عوام کوبھی تفریح کاماحول مہیاہوتاہے۔ انجینئرامیرمقام نے کہاکہ وزیراعظم محمدنوازشریف نے چترال یونیورسٹی اورچترال میں جدیدطبی سہولیات سے آراستہ ہسپتال کا پہلے ہی اعلان کیاہے،چترال کے عوام دیانتدار،محنتی اورمحب وطن لوگ ہیں پاکستان مسلم لیگ(ن)چترال کے عوام کوقدرکی نگاہ سے دیکھتی ہے اوران کی مشکلات کوترجیحی بنیادوں حل کرنے کیلئے کوشاں ہے۔
تازہ ترین
- مضامینداد بیداد ۔۔۔۔ڈاکٹر عنا یت اللہ فیضی۔۔۔۔مزدوروں کا دن
- ہومتھانہ ایون کی حدود میں لویر چترال پولیس نے منشیات کے خلاف کریک ڈاون کے دوران کالاش وادی رمبور میں کالاش قبیلے سے تعلق رکھنے والے کرنل کے بیٹے میجر کو دیسی شراب کی بڑی مقداروادی سے چترال شہر ٹرانسپورٹ کرنے کی پاداش میں رنگے ہاتھوں گرفتارکرلیا۔
- مضامینداد بیداد۔۔۔۔ڈاکٹر عنا یت اللہ فیضی۔۔۔انسا نی حقوق کا آئینہ
- مضامیندھڑکنوں کی زبان۔۔۔۔۔محمد جاوید حیات۔۔۔۔۔”زندگی سے ڈرو“۔۔
- سیاستلویر چترال میں تحصیل چیرمین دروش کے الیکشن میں پی ٹی آئی کا حمایت یافتہ امیدوار سید فریدجان ایڈوکیٹ نے غیر حتمی اور غیر سرکاری نتائج کے مطابق کامیابی حاصل کی ہے۔
- مضامینداد بیداد۔۔ڈاکٹر عنا یت اللہ فیضی۔۔نظر آنے والے کام
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے
- ہومڈپٹی کمشنر اپر چترال محمد عرفان الدین کے دفتر میں مختلف آفات کے سبب فوت ہونے والوں کے لواحقین میں امدادی چیک تقسیم کئے گئے
- ہوملویر چترال میں حفاظتی ٹیکے کا عالمی ہفتے کا آغاز آگہی واک سے کردیا گیا
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما