؎
رپورٹ (چترال میل)خیبر پختونخوا کے وزیرِ کھیل، ثقافت، میوزیم، امورِ نوجوانان اور پاکستان تحریکِ انصاف ملاکنڈریجن کے صدر محمود خان نے کہا ہے کہ پی ٹی آئی کے چیئر مین عمران خان اور وزیرِ اعلیٰ خیبر پختونخوا پرویز خٹک کا حالیہ دورہ چترال سے علاقے کی تعمیر و ترقی کی راہ ہموار ہوئی ہے اورتوانائی کے مختلف منصوبوں کا افتتاح ضلع چترال سمیت پورے ملاکنڈ ڈویژن کی خوشحالی کیلئے سنگِ میل ثابت ہوگا۔ یہاں سے جاری ہونے والے ایک اخباری بیان میں انہوں نے کہا کہ مذکورہ توانائی منصوبوں کی تکمیل سے نہ صرف مقامی لوگوں کو روزگارکے بہتر مواقع فراہم ہونگے بلکہ یہ صوبے میں توانائی بحران پر قابو پانے میں بھی مددگار ثابت ہونگے۔ انہوں نے کہا کہ توانائی کسی بھی ملک کی ترقی میں ریڑھ کی حیثیت رکھتی ہے اس لئے صوبائی حکومت نے بجٹ میں دیگر شعبوں کی طرح توانائی منصوبوں کیلئے بھی کثیر رقم مختص کی ہے۔ انہوں نے کہا کہ پی ٹی آئی نے ملاکنڈ ڈویژن سمیت پورے صوبے میں موزوں مقامات پر 1000مائیکرو ہائیڈ پاور پراجیکٹ کے منصوبے شروع کئے ہیں جن میں تقریبا 350منصوبے پا یہ تکمیل تک پہنچ چکے ہیں اور باقی منصوبے بھی جلد مکمل کئے جائینگے جس سے صوبے میں لوڈ شیڈنگ، کم وولٹیج اور اوور لوڈنگ کے مسائل مستقل بنیادوں پرحل ہونگے۔محمود خان نے کہا کہ پی ٹی آئی کی صوبائی حکومت نے صوبے کے دور دراز پسماندہ اور ماضی میں نظر انداز کئے گئے علاقوں کو تر جیحی بنیادوں پر ترقی دی ہے تاکہ ان علاقوں کے احساسِ محرومی کوختم کر کے ان کو بنیادی ضروریات مہیا کی جا سکیں اور پی ٹی آئی کے قائد عمران خان اور وزیرِ اعلیٰ پرویز خٹک کا حالیہ دورہ چترال اس بات کابین ثبوت ہے۔
تازہ ترین
- مضامینداد بیداد ۔۔۔۔ڈاکٹر عنا یت اللہ فیضی۔۔۔۔مزدوروں کا دن
- ہومتھانہ ایون کی حدود میں لویر چترال پولیس نے منشیات کے خلاف کریک ڈاون کے دوران کالاش وادی رمبور میں کالاش قبیلے سے تعلق رکھنے والے کرنل کے بیٹے میجر کو دیسی شراب کی بڑی مقداروادی سے چترال شہر ٹرانسپورٹ کرنے کی پاداش میں رنگے ہاتھوں گرفتارکرلیا۔
- مضامینداد بیداد۔۔۔۔ڈاکٹر عنا یت اللہ فیضی۔۔۔انسا نی حقوق کا آئینہ
- مضامیندھڑکنوں کی زبان۔۔۔۔۔محمد جاوید حیات۔۔۔۔۔”زندگی سے ڈرو“۔۔
- سیاستلویر چترال میں تحصیل چیرمین دروش کے الیکشن میں پی ٹی آئی کا حمایت یافتہ امیدوار سید فریدجان ایڈوکیٹ نے غیر حتمی اور غیر سرکاری نتائج کے مطابق کامیابی حاصل کی ہے۔
- مضامینداد بیداد۔۔ڈاکٹر عنا یت اللہ فیضی۔۔نظر آنے والے کام
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے
- ہومڈپٹی کمشنر اپر چترال محمد عرفان الدین کے دفتر میں مختلف آفات کے سبب فوت ہونے والوں کے لواحقین میں امدادی چیک تقسیم کئے گئے
- ہوملویر چترال میں حفاظتی ٹیکے کا عالمی ہفتے کا آغاز آگہی واک سے کردیا گیا
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما