چترال(نمائندہ چترا ل میل) ژوغور میں گزشتہ دنوں غیرمعمولی اسکیل میں سیلاب اور اس کی تباہ کاریوں کے بعد متاثرین کی بحالی کے مرحلے میں مختلف غیر سرکاری ادارے سرگرم عمل ہوگئے ہیں جوکہ متاثرین کی ضروریات کو مدنظر رکھتے ہوئے ان کی مدد کا سلسلہ شروع کیا ہے۔ محمد طلحہ محمود فاونڈیشن کے چیرمین اور سنیٹر محمد طلحہ محمود نے علاقے کا دورہ کرنے کے بعد متاثرین کی بحالی کے لئے انفراسٹرکچرز کی مد میں لاکھوں روپے کا نقد متاثرین کے نمائندوں کے حوالے کیا۔ انہوں نے ابپاشی کے نہروں اور ابنوشی کے پائپ اسکیموں کے لئے بھی اپنی فاونڈیشن کے ذریعے مزید مدد فراہم کرنے کا اعلان کیا۔ اسی طرح شندور ویلفئیر ٹرسٹ کے چیرمین اور سابق ضلع ناظم مولانا عبدالشکور نے بھی ژوغور میں متاثرین میں نقد رقم تقسیم کردی۔ انہوں نے کہاکہ نقد رقم کی تقسیم کا مقصد متاثرین کو اس قابل بنانا ہے کہ وہ اپنی ضرورت کے مطابق اپنی بحالی کے سامان کی خریداری کرسکیں۔ پی پی پی نے بھی سندھ حکومت کی طرف سے امدادی اشیاء کی تقسیم پاکستان ہلال احمر کے ذریعے کردی تھی۔