چترال (نمایندہ چترال میل) چترال میں تین روز کی مسلسل برفباری کے بعد منگل کے روز موسم جزوی طور پر ابر آلود رہا۔ کئی علاقوں دھوپ نکلنے سے سردی کی شدت میں تھوڑی کمی آئی۔ لواری ٹنل کے دونوں طرف تقریبا تین فٹ برف پڑی۔ دیر سائیڈ پر تین مقامات پر برف کے تودے گرنے کی اطلاعات ہیں۔ چترال سائیڈ پر سڑک کی صفائی کاکام جاری تاہم منگل کے روز شام تک سڑک کے کھلنے کے امکانات کم دیکھائی دیتے ہیں لواری ٹنل کی بندش کی وجہ سے پشاور اور اسلام آباد سے چترال آنے والے مسافر دیر سائیڈ پر ہوٹلوں میں ٹنل کی صفائی کا انتظار کر رہے ہیں۔ مسافروں کی طرف سے ہوٹل مالکان کی طرف سے روڈ کی بندش کا ناجائز فائدہ اٹھانے کی اطلاعات موصول ہوئی ہیں۔ جہاں مسافروں کو من مانی قیمت پر خوراک اور رہائش کی سہولیات مہیا کی جاری ہیں۔ انہوں نے ڈپٹی کمشنر اپر دیر اور ڈپٹی کمشنر لوئر چترال سے پر زور مطالبہ کیا ہے۔ کہ مشکلات سے دوچار مسافروں کو اس طرح لوٹنے کا سلسلہ بند کرنے کیلئے اقدامات کیا جائے۔ برفباری سے چترال کے کئی علاقوں کا رابطہ چترال شہر سے منگل کے روز بھی منقطع رہا۔ جس کے نتیجے میں دفاتر میں ملازمین کی حاضری بھی نہ ہونے کے برابر رہی۔ کیونکہ ایک طرف سڑکوں پر بڑی مقدار میں برف کی موجودگی اور بجلی کی طویل بریک ڈاون ہے۔ گذشتہ چوبیس گھنٹوں سے چترال شہر میں بجلی کی نایابی نے لوگوں کو شدید مشکلات سے دوچار کر دیا ہے۔ عوامی حلقوں نے اس بات پر تعجب اور افسوس کا اظہار کیا ہے۔ کہ بارش شروع ہوتے ہی بجلی غائب ہو جاتی ہے۔ جبکہ خراب موسم میں عوام کو بجلی کی ضرورت مزید بڑھ جاتی ہے۔۔ عوامی حلقوں نے موجودہ حکومت کی عوامی مسائل میں عدم دلچسپی خصوصا بجلی کے حوالے سے ان کی خاموشی پر شدید تنقید کی ہے۔ اور چترال کی پی ٹی آئی قیادت اور ممبران اسمبلی کی غفلت اور لاپرواہی پر افسوس کا اظہار کیا ہے۔
تازہ ترین
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما
- سیاستتحصیل کونسل چترال کے اجلاس میں ضلعی انتظامیہ کی طرف سے حالیہ بارشوں کے نتیجے میں ہونے والے نقصانات کی اسیسمنٹ کی تاریخ میں کم ازکم دس دن کی توسیع کا مطالبہ کرتے ہوئے موجودہ طریقہ کار پر بھی عدم اطمینان کا اظہا رکیا گیا
- ہومترال شہر اور مضافات کے سینکڑوں تندورمالکان نے حکومت سے پرزور مطالبہ کیا ہے کہ چترال کی علاقائی مشکلات اورحالات کو پیش نظر رکھ کر روٹی کا پرانا نرخ بحال کردے
- Uncategorizedداد بیداد۔۔۔ڈاکٹر عنا یت اللہ فیضی۔۔۔چارویلو رحمت ولی خان مر حوم
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ
- ہوملویر چترال کے دروش ٹاؤن کے گاؤں شیشی آزوردام،حفیظ آباد، جزیر دوری میں کئی دنوں کی مسلسل بارش کی وجہ سے زمین سرک گئی جس کے نتیجے میں تین گھر وں سمیت ایک جامع مسجد مکمل طور پر مٹی تلے دب گئے
- ہومبارش کی وجہ سے مزید تین دن سکول بند رہیں گے۔ نوٹیفیکیشن جاری
- ہومچترال کے طول وعرض میں گزشتہ 24گھنٹو ں سے مسلسل بارشوں کی وجہ سے مختلف مقامات پر دو افراد جان بحق ہوگئے اور کئی گھرمنہدم ہوگئے