دروش(نما یندہ چترال میل) ڈسٹرکٹ آفیسر فنانس اینڈ پلاننگ نور الامین نے کہا ہے کہ یورپی یونین کے مالی معاونت سے صوبائی حکومت کے شروع کردہ سی ڈی ایل ڈی پروگرام کے دور رس نتائج مرتب ہونگے کیونکہ اس پالیسی کے تحت کوئی بھی پاکستانی شہری اپنے علاقے کے مسائل کی نشاندہی کرکے انکے حل کیلئے درخواست دے سکتا ہے۔گذشتہ روز دروش میں بلدیاتی نمائندوں کے ساتھ ایک خصوصی اجلاس سے خطاب کرتے ہوئے نو ر الامین نے کہا کہ انکی خواہش ہے کہ منتخب بلدیاتی نمائندگان، مقامی کمیونٹی اور حکومتی ادارے ساتھ ملکر کام کریں تاکہ پالیسی کے مقاصد کو حاصل کیا جاسکے اور اسی مقصد کے لئے باہمی تعاون انتہائی ضروری ہے۔ انہوں نے کہا کہ اس پروگرام میں ایس آر ایس پی کا اہم کردار ہے کیونکہ مقامی تنظیمات کی تشکیل اور سروے سمیت کچھ دیگر امور SRSPکے ذمے ہیں جنہیں اچھے طریقے سے انجام دیا جارہا ہے۔ ڈسٹرکٹ آفیسر فنانس اینڈ پلاننگ نے بلدیاتی نمائندگان کی طرف سے اٹھائے گئے تحفظات کا تفصیلی جواب دیا اور کہا کہ جو چیز انکے بس میں ہوگی وہ بذات خود اس پر عملدرآمد کرائینگے مگر بعض معاملات پالیسی امور میں شامل ہیں جوکہ انکے دائرہ اختیار میں نہیں بلکہ وہ صوبائی سطح کے اعلیٰ کمیٹی کے اختیار میں ہیں تاہم انکے حوالے سے بھی وہ بالائی حکام کو آگاہ کرینگے۔ انہوں نے کہا کہ انکے دروازے ہر کسی کے لئے کھلے ہیں اور کوئی بھی انکے آفس میں آکر ان سے مل سکتا ہے۔ اس موقع پر SRSPکے ڈسٹرکٹ منیجر منیر احمد سید نے خطاب کرتے ہوئے کہا کہ آج کا اجلاس باہمی تعاون کار کو بڑھانے کے لئے طلب کیا گیا ہے کیونکہ اس سے قبل بھی دروش میں اسی طرح کا اجلاس بلایا گیا تھا اور اس میں یہ وعدہ کیا گیا تھا کہ جلد ہی ڈسٹرکٹ آفیسر فنانس کے ساتھ مقامی بلدیاتی نمائندگا ن کی ایک مشاورتی نشست کا انعقاد کیا جائیگا۔ اس سے قبل اجلاس سے خطاب کرتے ہوئے ممبران ضلع کونسل مولانا محمود الحسن، شیر محمد، مولانا انعام الحق، ویلج کونسل ناظم عمران الملک،ممبر تحصیل کونسل روئیدار احمد ساجد ودیگر نے سی ڈی ایل ڈی پالیسی کے حوالے سے اپنے تحفظات کا اظہار کیا اور مختلف تجاویز بھی پیش کیں۔ بلدیاتی نمائندگان نے اس مشاورتی اجلاس میں شرکت پر ضلعی آفیسر فنانس نور الامین کا شکریہ ادا کیا اور اس اجلاس کے انعقاد پر SRSPکی تعریف کی۔ اس اجلاس میں دروش سے تعلق رکھنے والے ممبران ضلع کونسل، ممبران تحصیل کونسل، ویلج ناظمین، نائب ناظمین اور کونسلروں نے کثیر تعداد میں شرکت کی۔ اجلاس میں سی ڈی ایل ڈی ٹیکنیکل ٹیم کے سربراہ افسر علی جان بھی موجود تھے۔
تازہ ترین
- ہومڈسٹرکٹ پولیس آفیسر لوئر افتخار شاہ کے زیر نگرانی منشیات فروشوں کے خلاف کاروائیوں کا سلسلہ جاری ہے۔
- ہومہزاروں سال قدیم کالاش تہوار “چلم جوشٹ ” پورے جوش و خروش کے ساتھ وادی رمبور کے معروف ڈانسنگ پلیس (چھارسو) گروم میں شروع ہوا۔
- کھیل*چیف سیکرٹری خیبرپختونخوا ندیم اسلم چوہدری کی زیر صدارت شندور پولو فیسٹیول کے انتظامات کے حوالے سے اجلاس کا انعقاد*
- ہوملوئر چترال میں 9 مئی کے حوالے سے ایک ریلی نکالی گئی
- مضامینداد بیداد۔۔۔ڈاکٹر عنا یت اللہ فیضی۔۔۔۔شراکت داری اور تر قی
- ہومپولیس اسٹیشن دروش کی کامیاب کاروائی 11 کلو سے زائد چرس برآمد
- مضامینداد بیداد۔۔ڈاکٹر عنا یت اللہ فیضی ۔۔۔پرستان قبل از اسلا م
- تعلیمیونیورسٹی آف چترال کی طرف سے بی ایس پروگرام کی فیسوں میں 57فیصد اضافے کے خلاف طلباء وطالبات سراپا احتجاج بن کر اسے انتہائی ظالمانہ قرار دیتے ہوئے صوبائی حکومت سے پرزور مطالبہ کیا ہے کہ چترال میں غربت اور بے روزگاری کو مدنظر رکھتے ہوئے اس فیصلے کو فوری طور پر واپس لیا جائے
- ہوممادری زبانوں کے تحفظ اور ترقی کیلئے کام کرنے والا ادارہ فورم فار لینگویج انشیٹیوز کے زیر انتظام چترال میں ایک کثیراللسانی مہرکہ منعقد ہوا۔
- مضامینداد بیداد ۔۔۔ڈاکٹر عنا یت اللہ فیضی۔۔ما ضی کا پشاور